ليتك معي حاضر وتسمع بطاريك **** لحظه عليها أدفع بقايا سنيني
مدري يشدك شوق بعيون مغليك****والا تجادل بالحكي عاذليني
راحت سنين العمر والقلب يرجيك ****رجوى الغريب اللي عزاه الونيني
وش حيلتي غير القصايد تناديك****وش حيلتي والصمت بينك وبيني
لاجيت ابقرب ردني قول مابيك****وان رحت اببعد قلت يمكن يبيني
ماضعت أنا بدنياي ضيعتني فيك****لك صوره من وين ماأرحل تجيني
تعبت اضمك داخل القلب وأخفيك****أخاف من عين تشوفك بعيني
شفها بديني لاقربت عندأياديك ****وشف حكمة الله ماتطولك يديني