جات تعاتبني وتقول لي
ليه انت ما تحبني مثل ما انا امــــوت فيك ؟
ليه يا حبيبي ليه ما احس بغلاتي بوسط قلبك ؟
ليه بتكلم فلانة ؟
ليه اشوفك دايم تسولف وبتضحك معاها ؟
ليه بتهديها احاسيسك ونبضك ؟
ليه بتكتب لها كل الخواطر والشعر ؟
ليه تبادلها المشاعر والحنان ؟
وانت تدري شكثر احبك من زمان ؟
وانت تدري لو تغيب عني اموت
ليه يا حبيبي ؟
ليه ما ترحم شعوري ؟
يا حبيبي والله اني حيــــــــل احبك
والله اني صادقة بحبي لقلبك
التفت ليمها وناظرتها
وشفت الدموع تملا كل عيونها
قلت لها انا عمري ما حبيت يا عمري احد
كنت اتكلم معاكِ تسلية
قالت تسلية ؟؟
قلت احسبيها معرفة
ولا صداقة عابرة
ولا اخوة او زمالة
احسبيها أي شي
المهم اني ماحبك
بعدها قامت تصيح وتقول انت خاين
رديت عليها ليه خاين ؟
ردت وقالت انت ما عندك امان
انت اكبر جرم اغترفته بها الزمان
هيَ تبكي وانا اضحك وابتسم
قلت لها يا لغبية
من طلب منك تحبيني وتتعلقين بأوهن حبالي ؟
وانتِ تدرين انها مثل خيوط العنكبوت
ليه كنتي تصدقيني وانتِ تدرين اني شاعر
واني واحد من اللي يتبعهم الغاون
واني واحد من اللي يقولون ما لا يفعلون
ليه كنتي تفكرين اني ممكن احبك واعشقك ؟
وعمر قلبي ما ارتعش يمك بشوق
ردت علي وقالت انت كنت تكتب اشعارك وتهديني
وتقول احبك وما اشوف مثلك احد بايامي وسنيني
قلت ما كنت اقصدك انتِ
كلها كانت مجرد ابيات وخواطر
وانتِ جزء منها ومانتي اللي بالخاطر
كنتي اوهامي اللي ارسمها بخيالي
كنتي لي سلم رقيته لحالي
كنتي لي مجرد وسيلة وليس غاية
كنتي لي مجرد دمية وتسلية ممتعة للغاية
كنتي لي مثل لعبة طفل
بعدما يمل منها يروح يطلب غيرها
ويبدأ يلعب من جديد
وهكذا هيا حياتي تسلية
والعاب ويا زين اللُعب
احلى لعب يلعب بها طفلٍ كبير
والحين تجيني وتطلبين اني احبك ؟
ليه احبك ؟
انا اسف والله اسف
في الحقيقة انا ما اقدر احبك
بس انتِ ما قصرتي لكِ الشكـر الجزيل
اهديتي لي كل اللي ابيه وكل اللي قلبي له يميل
والحين ابي استاذنك عندي فلانة تحتريني
ودي اتسلى معاها
واكتب لها بيتين من الشعر
رحت عنها وودعتها
وهي جالسة تذرف في الدموع
وتصيح من القهر ومن زود الجحود
للأسف هذا هو الواقع المؤلم
الذي يعاني منه الكثير من الفتيات اليوم
تحت تأثير بعض الذئاب البشرية
سواء في النت او غيره
حاولت ان اجسده امامكم كخاطرة
لأخذ العبرة منهـــــا والعظة
اتمنى ان تنال اعجابكم
نسأل الله العافية
م /ن
العرض الشجري
