وهي تحلف قسم بالله يازيدان عشقك حيل

[align=justify]
يشع النور والظلماء تناشاء في جناح الليل0000ويجي صبحن رجيته طول ماليلي معنيني
اليا شفت الثرياء بالسماء وازريت اشوف سهيل0000تخيلته ولوهو مختفي بس ما يعاديني
الا واشيب عيني والهموم الي بصدري سيل00000000تشيل الي يجي قدام وجهه ما داريني
هواجيس براسي ما حسبته غير دابك خيل000000عجز عن عسفها فكري وهي تبقى تباريني
الا يالله والتهليل لازم يتبعه تهليل00000000000000وتحميدن لرب الكون واذكاره تداويني
ترى حمل الجمل لازاد تصبح في حموله ميل0000000على ثقل الحمل ما مال واكتافي تهقويني
بعض همي من الدنيا وبعضه مثل قولة ويل00000000000هنوفن فارقتني بعد ما كانت تسليني
وردته مثل عدن يارده منهو تعب من شيل000000000000000ونوخة الركاب وقلة هذا ما تخليني
وهي تحلف قسم بالله يازيدان عشقك حيل00000000000000ملى قلبي ولاغيرك من العالم مكفيني
عطيته كل شي وشلت من قاموسي التبديل000000000000ولاغيره من الترفات في وقته ملى عيني
اشوفه في طلوع الشمس واحلم به بنوم الليل0000000000000لعله لاصحت من نومها يمكن تناديني
واذوب بجوها واصحى شعرها فوق وجهي ليل000000000000واحسب اني بحلم الليل واثريها تصحيني
خساره يازمن ما راح مني والدموع تسيل0000000000000000خساره ليتها موجودة للحين تــحيني
تروح اجيال واجيال ويجي من بعد جيله جيل00000000000واذا اني فوق سطح الارض تبقى في شراييني
والا ارضي بانكسار ولاهزيمه وانهداد الحيل000000000000000وانا ولد الرجال اللي على الهده مضريني
تحديت الصعايب والشجاعه للصعاب تزيل00000000000000000وانا عرق الشجاعه باقين فيني ومرويني


قصيده لاخوي الشاعر زيدان فلاح الغفيلي الشمري
[/align]