اذكريني

.

ما برد عزمي ولا غيّر لهيـب الحـب لونـي \ دام لي قلبٍ من عروق الوفـا يسقـي وريـده

والهوى حظ ونصيب ودمعتي عـذرا جفونـي \ وللجفون سلوم والدمعـه تخـاف مـن النقيـده

ليه يا من تسرقين الود مـن نظــرة عيونـي \ ما حسبتي غيبة اللي لا نوى الغيبـه .؟ فقيـده

وليه لا عزّمت ابنسى من على الدنيـا نسونـي \ ما ذكرت الا انتي وجـرحٍ مساحاتـه عديـده

ليت عذرك عن وفاك وغلطتك يلغي شجونـي \ وليت لي قلبٍ بدون احساس واحكامـه شديـده

كنت اظنك ما تعيشين العمـر لحظـه بدونـي \ واثر ما للظن غيـر اللـوم ولحـون القصيـده

اذكريني .. كل ما فاضت عيونـك وإفقدونـي \ وكلّ ما دمعك نشد خدك وقال .. شصار بإيـده

واذكريني .. لا غزا البرد الضلوع وما لقونـي \ ولا جبرك الوقت في ممشاه واطباعـك عنيـده

واذكريني .. كل ما جاتك من العالـم لحونـي \ عقب ما كنتي مـن لسانـي تعرفيـن الجديـده

واذكريني .. كل ما احتجتي تخونيني .! وخوني \ في غيابي .. كل ذكـرى بيننـا كانـت سعيـده

والا انا لا من ذكرتك .. ما ذكرت الا طعونـي \ فالزمـان اللـي تجمّعنـا بـه الله لا يعـيـده

ما ربحت الا جفاك وما خسـرت الا جنونـي \ ولا بعد هذا سوى النسيـان و الفرقـا الاكيـده

سامح الله غلطة احساسي قبل غلطـة عيونـي \ وسامح الله هاجسي في ما هدا لك من رصيـده

لو ظنوني يوم واحـد تشعـر بخيبـة ظنونـي \ ما يصير الحزن سيد الصدر وافراحـي عبيـده

سامح الله ذنب كلّ اللي على الضيقـه حدونـي \ لين صرت اواجه الايـام فـي بسمـه وحيـده

قصيدهـ رآئعهـ
أبدعت بالانتقآء

سلمت وسلم نبضك

سامح الله غلطة احساسي قبل غلطـة عيونـي \ وسامح الله هاجسي في ما هدا لك من رصيـده




لو ظنوني يوم واحـد تشعـر بخيبـة ظنونـي \ ما يصير الحزن سيد الصدر وافراحـي عبيـده




سامح الله ذنب كلّ اللي على الضيقـه حدونـي \ لين صرت اواجه الايـام فـي بسمـه وحيـده


بس لحظه

أجبرتني حروفك وانتقائك على المثول التآم
لهذا النص الزاخم بالجمـآآل ,رغم ما بها من ألم
دمت ودآم بوحك بهذآ الجمـال والروعـه ..

دمت بسعاده ,,

انتقاء رااااقي

سلمت وسلم قلبك وفكرك

لاهنت

سلمت وسلم نبضك على النقل الراائع

أحسنت الاختيار أخوي كلمات رائعهـ

مشكور لا عدمناك يارب.

اقتباس: ما برد عزمي ولا غيّر لهيـب الحـب لونـي \ دام لي قلبٍ من عروق الوفـا يسقـي وريـده والهوى حظ ونصيب ودمعتي عـذرا جفونـي \ وللجفون سلوم والدمعـه تخـاف مـن النقيـده

صح لسسسآن شاعرهآ وسلمت يمينك وإنتقائك
الع ـــذب../

سلمت ولآعدمنــآك ..~