حبيبي يعشق الياهو وأنا مغرم مع الهوتميل

بعد رن الموبايل والخلايق ممرحـه فـالليـل
وشلت الخط مستعجل وأنا مانـي بفاضيلـه

لقيته صوت دافي والنعومه والثقـل ياشعيـل
يبي له نمرةٍٍ اخـرى وجابـه حظـي الليلـه

حبيبي يعشق الياهو وأنا مغرم مع الهوتميـل
لكـن الياهـو الأقشـر صعيبـاتٍٍ مداخيلـه

وأنا ماعرف داون لود ولا أعرف آلة التسجيـل
ومعرف أستخدم الياهـو ولاحتـى مراسيلـه

والا ياللي خدودك تشبـه الكشـاف والمنديـل
وفيها من براءآآآآءة الطفل ينعشـك تقبيلـه

جمالك يا حلاهم يستحـق المـدح والتبجيـل
طلبتك ياحسين الوصف تكفى تحذف الشيلـه

جمالك يا حلاهم مادخل فـي معمـل التجميـل
والا ياللي حجاجك مايعرف الحـف والنيلـه

لوإني ماعرف عيونك لا أقول الكحل هو والميل
طغى فرموشك السودا وضاع الكحل من ليلـه

والا ياللي خدودك ماتحب اللمـس والتقبيـل
وخصرك من دلال السيف ونهـودك فناجيلـه

والا ياللي جديلك ذيل شقرآ من أصيل الخيـل
اليا منه سرجها الشيـخ وجيوشـه تباريلـه

والا ياللي طعم ريقك يذكرنـي بنهـر النيـل
ويذكرني قصب سكر مصفـى فـي فناجيلـه

عسى يفداك من شغل محطاتـه لقـال وقيـل
على درب التهايم والظلايـم مسـرجٍٍ خيلـه

يا محلا لبسة اثيابك ومجمـل موضة التفصيـل
يا حلوك بينهم ياللـي بحسنـه قاهـرٍٍ جيلـه

يازينك ياحلو دلك يابـو خـدٍٍ كمـا القنديـل
والا يا ليتنـي آخـذ معـك فالهـرج تعليلـه

الا ياللي عطوراتك تجـي مـن ماركة شانيـل
تسرب في عروق اللـي يغنيلـك مواويلـه

والا ياللي رموشك صف عسكر حزة التكميـل
اليا من صفها الضابط لجـل تعـداد تكميلـه

كفوفك مخمليه ضعت انا بـمصافحتها حيـل
وضيعت الطريق اللي سكـن بيتـي يوديلـه

فتنتي قلبي الأقشر وأنا ويـاه حـط وشيـل
أقول اركد لاتفضحني لكـن القلـب يا ويلـه

اليا شفت الجمال أبـدا بذكـر الله بالتهليـل
وأسوي عمري اشويب ماكن الزيـن يعنيلـه

أسوي عمري اشويب مايفهم هرجة التحويـل
اليا دارت مابين اثنين وجت يمـي بتحويلـه

وأخاف أطول الموجز ويعرف باقي التحليـل
ويزعجك الهبيل اللي إبليس العـود يوميلـه

أنا قلبي خضر علـى الطهاره ما يحـب الميـل
وحشى مافصح عن ديار المـلاك ولا مداهيلـه

أخذنا قرب ساعه في مكانٍٍ يا عسـاه السيـل
وأنا مقـدر أحـدد والنـذل واجـد محابيلـه



للشاعر فلاح بن عريج