مبطي وانا ادور للحزن سبه
ولا لقيت لعسر الايام تفسير
عشان اذري فرحتي عن مهبه
ولا اقول انه جناحي وانا طير
الحزن مثل الماء لوني بشبه
والموت بير وكلنا وارد البير
والعمر دلون والرشا بيد ربه
اليا انفلت هالعمر يصبح على خير
ما نشف ريقي وبضلوعي مصبه
ولا ضميت وراوين دمعي صغير
والشعر كان لجرح الاحزان طبه
ياما غرس في مهجة الحزن نوير
هو سلوتي وارتاح فيه واحبه
والقى معه لفراق همي تباشير
لولاهـ كان اللي بقالي لكبه
واعاف دنيا كل ابوها مخاسير
لافي ذباح الشمري