يآ هلي آلرؤح تعبآنهـ .. جيبولي دكتـور نفسسيهـ

بسم الله الرحمن الرحيم

لاحد يستنـزل على الاغنيه
.. ..
حاله نفسيه

كلنا مزاجيين

يوم مستانس
يوم معصب
يوم تعبان
يوم مالك خلق
يوم .. يوم .. يوم

كل يوم لك مزاج
كل يوم لك حاله
كل يوم لك نفسيه
يوم ودك تصفق الناس
يوم ودك تذبح نفسك
..
لما تجي تسولف مع غيرك بالتلفون ساعه انا بقسمها لكم

عشر الدقايق الاولى شخباركم شعلومكم

خمس الدقايق الثانيه وش الجديد وش القديم

عشرين الدقيقه الثالثه يدخلون بسالفه وشرط تكون فيها حش في وحده

الخمس الدقايق الرابعه يرجعون لشخباركم وشعلومكم وش الجديد وش القديم

عشر الدقايق الخامسه هاه عندتس سوالف منا منا

خمس الدقايق السادسه مع السلامه سلميلي على ... الخ

خمس الدقايق الاخيره يتطاقون من يسكر التلفون اول وفي الاخير تعدون لين 3 وتسكرونه مع بعض


..

لما تكون مع صديق لك ثرثار و ملقوف في المطعم وانت مالك خلقه ابد

اول شي يروح يقولك هذا المكان حلو تجلس فيه ثمن شوي يقولك في مكان احلى وتجلس
بعدين فيه مكان احلى طبعا باتعصب ودك تقعد تاكل عند باب المطعم

بعد لف ودوران تثبت على مكان
وآنت حآيمه كبدك

تاخذ الورقه وتطالع وصديقك معه الورقه ويقولك : انت تدور في أي صفحه ~> شفت لقافه بس مو لدرجه هذي

فالاخير تطلب انت وياه نفس الطلب

يجيك آلـ...وشسمه هذاك ويقولك شو بدك ومن زود اللقافه يقول صديقك طلباتك كلها [طبعا من زود اللقافه يكون عارف وش تبي]ويقول:
وبعدين تجي طلباته اللي ماتخلص

ويجي الطلب على خير وتاكل انت وياه
ويقعد يسولف عليك وانت تسلك له

لما يخلص ينحاش ويخلي الحساب عليك

وتطلع بـ 600

..

تكونين رايحه للسوق وانتي بطرانه

تدخلين محل تشوفين شي حلو وتقولين هذا حلو بس بشوف في محل ثاني اذا ما عجبني برجع له
وتمر على السوق كله وفي الاخير ما تشتري ألآ مويه وذره ولا سلاش

تمرين على سوبر ما ركت تفسفسين كل فلوسس هناك

يعني ما استفدتي من السوق شي

..

مواقف كثير تمر علينا
ونفسياتنا تكون زفت

بس هونها وتهون

اقعد في يور هوم
وارقد على يور بيد



موضوع عجبني حيل ولطشته لكم