الليل توهـ يافهد والعمر في تالي مداهـ..؟؟

الليل توّه يا فهد والعمر في تالي مداه ...
وأحلام قلبي وسط قلبي والليالي دونها ...
أمشي ولي خطوة قدم تسبق زماني وتحداه ..
والدرب في عيني وعيني ضايقه بحزونها ..
شاعر وغنّا والقصايد ضيّعت مسرح غناه ..
متقلبّه بأوزانها متخفيّه بألحونها ...
مدري عن الشعر وطواريقه وليلاه وغثاه ..
جاهل ولا ادري عن كسير البيت من موزونها ...
السالفة يا صاحبي ما هي سواليف الرواه ..
السالفة عند الذي هدّم قويّ اركونها ...
جيت العرب واثر العرب ما بين هاه وبين هاه ..
مجنونة ٍ والله يقدرني وأحل جنونها ...
شفت الزوايا مظلمه والليل الأسود ما وراه ..
غير العجوز اللي تمشّط بالظلام قرونها ...
جت بأول صفوف الرجال وطاح من طاح وعساه
مثل الرجال اللي تعظ أصباعها بسنونها ...
مزيونة ٍ رعبوبةٍ في عينها موت وحياه ...
ملغومة ٍ تلقى هلاك الشعر وسط عيونها ...
مفضوحة ٍ عند الفهيم اللي خذا الخط وقراه
مستورة ٍ عند البهيم ومن غباه يصونها ..
يا صاحبي يا الشمري ما قصدي إلا قول آه
آه التحسف والتمنى عايشن بسجونها ...
ما هيب آهات الهوى وأهل الهوى واللي شكاه ..
وما هيب آهات الطرب وأهل الطرب وافنونها ..
واسلم وسلّم لي على الشعّار والشعر وغثاه
والا انا ما افهم كسير البيت من موزونها ...

فيحان الصواغ

رد الشاعر فهد الشمري على قصيدة فيحان


ســـلام يا شاعر شعر شِعره مع الليل ابتداه
بالنظم شعــرٍ ناظمه نظمه ضمن مضمونها
فيحان فوّح بالشعر فاحت معاني من وراه
غيــمٍ ليا منه رعـــــد لازم تهـــل مزونهـــا
جيتك وانا في خاطـري بيوت واضح محتواه
واتبع معاهــم قافيـه مــن يمـــك يزفونهـــــــا
هاك العجوز اللي تبي ملعون جده مع ثـــواه
اشره على هاك الرجال اللي تجي في عونهـا
هذه رجالٍ لا بغيت الصدق تمسك له عصاه
ليا بغـــت تنهــش نقــص اطـرافها وردونها
ما همنا بالهرج كثره وان قصر خذنا قصاه
ماهمنا كثر الحكــى لــو كثّروا يحكونهـــا
الحر قالوا به ترى من لاعرف قدره شواه
والخبل منهو حطهاعقب الشوي ببطــونها
ياصاحبي يالعازمي منهو يسوقــون الزكاه
ياكود شرع الله نزل على الــــذي يزكـونها
وهــذه رعايا يا ولــد ما اللـه مولّيهـــا ولاه
مثل الشجر لامن ذبـل تبدا تطيح غصونها
ساعة زمان وينتهي جيل ويجي جيلٍ قفاه
ولا ينعرف وشعقبها يمكــن تزيــد طعونها
جوّد ذلولك يا ولد يمكـن نحـدر للحصـــاه
دام الزمن جنّب فحول رجال وعزعفونها
يمكن يجي طبٍ يحصل للمرض هذا دواه
وان ما حصل فيهـــا دوا شعّارها ينهونها
والشعــر لقنته شهاده الله يطيــب ثـــــراه
يوم احتضر بالساحه اللي ما عرفنا لونها

كبرياء شمر ..

،,


صح لسان الشعار

وقصائد رااائعه ..

ابدعت في الإنتقآء كعادتك ..

اهنيك على ذائقتك المتميزه ..


دمت ودام انتقاائك الجميل ..
لاهنت ..

،,

ما شاء الله شاعران ر ائعين كبرياء لا هنت يعطيك العافيه

على النيه


الرؤؤؤؤعه تواجدك يالغاليه

النجم


الرائع تواجدك الغالي

كبرياء شمر ،،

عافاك الله ،،
لاهنت على النقل ،،

كلمآآت رآآئع’ــه .
تسسلم آيمينك ع النقل ...ْ~

نواره

شاكر تواجدك الرائع

ركوووون


شاكر تواجدك الرائع

دائماًمبدع في كل حالاتك
كبرئاء شمر
لاعدمناهاالذاائقه
قصائد جزله وراائعه
لااهنت يالغالي
كــــل الشــكر

هلا وغلا اخوي بوووح


الرؤؤؤؤعه مرورك يالغالي


تحيااااتي لك

قصآئد رآئعه

لآ هنت على الاختيآر

الله يعطيك العافيه
ابيات حيل روعه
لاهنت

نائبه

يسلمووو على مرورك