ما يكفي ان الشعـب كلـه فواتيـر
من بعد الأسهـم ياوزيـر التجـارة
لو تنشد سعيـدان وحمـود وبديـر
اللي سكنو بسطوح فـوق العمـاره
وحامد سكن لـه شقـةٍ كنهـا بيـر
لأن الأيجار يزود فـي كـل حـاره
أخـوان لكـن فرقتـهـم مقـاديـر
قالـو بليـا حسيـن ويـا عقـاره
وشايبهم اللي بديرته عنـده منيـر
أصغر عياله فـي طبوعـه نمـاره
خلا الوظيفه وانكسر كسـرة الزيـر
ولعيال ربعه صـار اسمـه عيـاره
حـاول يسكـت شايبـه بالمغاتيـر
يسرح من النجمه أليا اخـر نهـاره
ولا زال يسمع بالمجالـس معاييـر
هذي تجيه ايمين واخـرى يسـاره
واليا سمع لـه شامـتٍ قالـه خيـر
يخاف يخسر ما بقـا مـن وقـاره
صامت ولا يبغى تجي نكبـةٍ غيـر
قـدراً لشايبهـم وحشمـه لـجـاره
وطوفان الاسهم غير الوضع تغييـر
فرصه وجـات منيـر ياخـذ بثـاره
جلس بوسط جموعهم حزة عصيـر
وكلن يصيح يقـول ياهـي خسـاره
ثمن صرخ بالن ذ ل حشاش ابو طير
ياللي لسانـك فـي ثيابـي شـراره
ياللي اقول اني أنـا الداشـر منيـر
منيـر يبنـي بالمزايـن عـمـاره
قصة صحيحه ما تبـي أي تفسيـر
واقـع خيالـي دون أيـة اثــاره
وما يكفي ان الشعـب كلـه فواتيـر
من بعد الاسهم يا وزيـر التجـارة
م ن ق و ل
للشاعر : مشعل بن جريد