لا يابعدهم كلهم ياغناتي

السلام عليكم ورحمة الله وبركاته

راقت لي اوي اوي

[BIMG]http://thumbs.bc.jncdn.com/ca0fa4066ca6dee7e2d6c5251e22de68_lm.jpg[/BIMG]

كل عام وانت بخير وايامك بخيـر
لايابعدهـم كلـهـم ياغنـاتـي

انت بحياتي شي ثاني عن الغيـر

تقدر تقول : اجمل حدث في حياتي

انت الفرح وانت الوفا والتباشيـر

انت امنيه 00 إلا جميع امنياتـي

دايم افكر لو خسرتك وش يصيـر

واقول دايم جعـل قبلـه وفاتـي

من قبل اعرفك ماحسبت المخاسير

واليوم شفني ماخسرتك واحاتـي

اذا افترقنا بطلبك مطلب صغيـر

لاتزورني بين النعـاس ومباتـي

اخاف لاجوني طيوفـك مساييـر

قلطهـم قلبـي 00 تعشـوا مماتـي

ماقلت لك طبع الوجيه المسافيـر ؟

ماتغيب وان غابت ليالي وتاتـي !

يعني اذا بتغيب من غير تفكييـر

ترجع قبل لا ينكسر لـك ثباتـي

ولا أخـذني معك من وين ماتسيـر

مدامك الدرب الطويـل بجهاتـي

لو نفترض اني وصلت السما طير

احوم حومة حر والريـح عاتـي

المشكلـه انـي بليـاك ما اطيـر

لانك جناحـي للمطيـر ونجاتـي

لا والله الا طيحة الدلو في البيـر

ياكبرهـا لانك ململـم شتاتـي

امانتك .. في داخلك شوفني غير

وامانتي .. لاقربـك قـرب ذاتـي

من كثر ماخانت غـلاك التعابيـر

معاك احس اصدق كلامي سكاتي

لكن تعال وخـل عنـك المعاذيـر

شفني شسوي وسو عقبي سواتي

ارفع يديك لمـن يـرد المقاديـر

وردد ورايـه ماتقولـه شفاتـي

كل عام وانت بخير وايامك بخيـر

وانا معاك اعيش باقـي حياتـي

اهداء لك ياقاريها