موضوع آنيقّ : الله عليه ان فتح الورد بخدوده ,, الناعم اللي خفت لاتجرحه ورده ..❤~

السلام عليكم ورحمه الله وبركاته
كيفكم صبايـــآ ?
ان شاء الله الجميع بخيير
ماآبياطوول عليكم
نجي للمهم كلنا نبي نكون ملكات
والاغلب يجمع ان المظهر الخارجي يعطيك شخصيه بنسبه 90 % على الداخلي > هالنسبه من عندي لحد يدقق

دخلتي صالون طارت عيونك من مستوى النظافه والمعامله والتدقيق والاهتمام ومستحيل يطلعونك الا وانتي راضيه وبرنسيسه من عامه الشعب
شوي تطلع في وجهك صاحبه الصالون شيفه وتفشل !
صدق وياكثرهم اللي اعرفهم اشكال مره عاديه وهي تملك احسن الصالونات

هذي الاشياء كلها بشخصيتك انتي
لاتقولين ما اعرف او صعبه اطق مشوار لصالون وتعرفين الشوارع زحمه والصالونات زحمه والوقت ضيق > احكم على صالونات الرياض

كل هذا تقدرين تسوينه وتهتمين فيه انتي بنفسك وبالبيت بمسمى العنايه المنزليه اللي اعتمدت عليها في موضوعي
ماعليك الله يسلمك الا شويه عده وكماليات بسيطه وتصيرين الملكه رانيـآ > ياختي دايم هالحرمه مرتبه وتدقق على اتفه الامور وتعرف تلبس وتصلح نفسها
ليه !!!!!!!!!

مو لانها ملكه
كلنا نشوف ملكات واميرات احسن منها بس مايعرفون يدققون ولا يهتمون
الدعوه كلها شويه ذوق وشويه اهتمام

الموضوع هذا بالذات ماراح اسوق لمنتج معين نهائي
كلها كم طريقه وكم خطوه لاضافه لمسات بيدك انتي

تخيلي نفسك طالعه برا السعوديه لمده 3 شهور دراسه او سياحه او حتى دوره عمل
وانتي من النوع اللي يشقر حواجبه ومعتمده اعتماد كلي على الصالونات
ورحتي هناك
ياشيخه صفقــــــــيني ان حصلتي لك مشغل يضبط حواجبك بالتشقير

مع كثره الاسئله بعالمنا المخملي
بنات طريقه تنظيف البشره
بنات كيف اسوي حمام زيت لشعري
بنات عندي حفله ومو عارفه كيف انظف اظافر يدي
بنات صبغتي نزلت حرام اروح للمشغل عطوني طريقه الصبغه
بنات , بنات , بنات , الله يعين هالبنات
جمعنا شويه من هالاسئله ونزلنها هنا وان حصل نكتب جزء ثاني مافيه مشكله
كل هالاجوبه هنا بأذن الله

نبي شويه اعتماد على الذات

BRB ,,

بسم الله نبدا

1- الشعر :

حلو شعرها صح !!
ايش خلى شعرها حيوي بالهشكل !!
ايش فرقنا عنها : الاهتمام بس لاغير
اول نقطه من نقط الاهتمام هي القص
راس مالها مقص بالبيت وكل شهرين نضفي شعرك من اطرافه
بتشوفين الشعر هيلثي وغير كذا الجذور كانها الاطراف مافيه شهابه ولا فيه تقصف ولا فيه المنظر الغبي اللي يصير من تحت واقف وفيه زي الحبوب

2- جذور شعرك طلعت ولا تقدرين تروحين لصالون طلي علينا هنا بالموضوع , مافيه مشكله تعالي نتفاهم كل شيء محلول بأذن الله بس نبي نروق :
جربت اكثر من صبغه بعمري ما ارتحت على صبغه اكثر من هذي

هذي الصبغه تعطيك نعومه لشعر بعد الصبغه
وغير كذا ماتجفف الشعر ابداً وبشهاده كل اللي حولي
طبعاً انا شعري اسووووووووود واذا قلت اسود فهو اسود اللي يطول بالصبغه اجلس بالصبغه بين الساعه الى الساعتين واحياناً ساعتين ونص
ادري بتقولون مجرمه بس شعري كريه مايصبغ على طول
اشوف اللي حولي نص او ساعه بالكثير وهم متروشين
طبعاً العلبه بيجي فيها من فوق صوره لون شعرك وايش بيطلع يعني مصداقيه 100 %
اوووووول صبغه بحياتي اشوف كتابتها وتطلع لي نفس اللون

اذا صبغتي طلي كل نص ساعه على المرايه بنور ساطع وشوفي هل اللون تغير او لا
تقريبا اللون قبل الغسيل يفرق عن اللون بعد الغسيل بثلاث درجات بس

شرينا الصبغه وعرفنا الخطوات طيب كيف نصبغ , لان فيه كثير ناس تصبغ جوى البيت وانواع البقع
افرق الشعر كذا فرقه من الامام بهالشكل

ونفس الفرقات هذي اقسمها لقسمين واصبغي جذور شعرك لحد المرحله اللي تبين توقفين عندها
لفي شعري بالكاب البلاستيك ونستنى عليه

تروشنا وخلصنا وطلع اللون اللي نبغاهـ

3- نريح شعرنا يومين ونعمل له حمام زيت , مايحتاج مشغل احنا نسويه بالبيت :
أ- نزيت الشعر كله ونعمل له مساج باطراف اصابعنا
ب- نلفه بفوطه رطبه بمويه حاره وكل عشر دقايق تخلين الفوطه جوى المويه الحاره وتلفين فيها شعرك لمده نص ساعه
ج- وفيه طريقه ثانيه انك تلبسين الكاب البلاستيكي وتعرضين الاستشوار له , بس ماحبيتها مدري احس فيها اضرار على الشعر

عندك بحر من الزيوت اللي تقول لك زيت الخروع مافيه مثله
واللي تجيك تقول الخروع يسبب تساقط خذي لك جوز الهند
وكل واحد يحكي من نفسه
انا محاكيتكم جربت تقريبا اغلب الزيوت الى زيت عافيه حطيته في شعري وارتحت اخيراً على زيت السمسم
يعني الدعوه نوعيه شعرك ايش يناسبه , خلك من فلانه وعلانه وجربي انتي بنفسك وشوفي شعرك ايش يرتاح له
احياناً نروح مشغل يضبط الحمام زيت معي بس مايضبط مع اختي
لان فرق بين شعري وبين شعرها
والمشغل المضبوط هو اللي يشوف شعرك ويشوف ايش يحتاج

نحط في بالنا حاجه وحده الشيء اذا زاد عن حده انقلب ضده مسائله انك بالاسبوع تحطين 3 مرات زيت بشعرك هذا غلط , واكبر غلط كمان !
مره بالاسبوع او مره كل 5 ايام حلوه اذا كان شعرك معدوم ويبي له ترطيب !
بس اذا شعرك حيوي مره كل اسبوعين كفايه

4- خلصنا من الاهتمام بالشعر , نجي للوجه اول شيء نبدا بالوجه ككل :

د
ل
ع
ي
, دلعي وجهك هو مرايتك قدام الناس
وهو من خلاله يقدرون يحكمون على مظهرك اذا اوكي او لا

انا من الناس اللي ماحب خلطات وخرابيط واساسا بشره الوجه جدا جدا حساسه اول واخر مره حطيت تركبيه مدحوها لي قب وجهي حبوب
قالي الدكتور التركيبه فيها ليمون , والليمون وسط حمضي مايتحمله الوجه ابدا وبطلنا تركبيبات والتوبـــــــــــــــه

قبل النوم استخدم جليسوليد
لحد يناظرني , ايه جليسوليد , صفاء ونعومه وتحسين شيء بوجهك يملع وتوحيد لون كمان
صح اول الفتره ثقيل على البشره بس اسبوع وتتعودين عليه

غسلي وجهك كل صباح بصابونتك اللي متعودهـ عليها وارجعي لستريحتك اذا عندك دوام لاتنسين الواقي ليدك وجهك ورقبتك

هذا الشيء اتعب وانا اقول جمممممممممممميل , احسن واقي
طريقتي اذا بغيت اسأل عن كريم او حاجه معينه او أي حاجه طبيه :
روحي لصيدلي واساليه لاتاخذين راي دكتور لانو الدكتور احتمال يكون يسوق لمنتج معين
واذا اعطاك الصيدلي الاسم لاتشترينه على طول روحي و دوريه بكذا صيدليه
اذا حصلتيه بكل الصيدليات معناته صحيح انه كويس , واذا ماحصلتيه فاعرفي ان الصيدلي قاعد يسوق لشركه معينه

اذا ماعندك دوام مثل حالتي وجالسه لاشغله ولا مشغله اول ماتصحين وبعد ماتغسلين وجهك ورجعتي لمرايه غرفتك رشي على وجهك ماء ورد
اشتري لك علبه وفرغيها برشاش المويه حق التنظيف ويوميا رشي وجهك
مويه الورد تنعش وبقوه

BRb ,,

قبل فتره رحت انظف وجهي وكل ماحطت الاخصائيه شيء نطيت بوجهها وسالتها هذا ايش

5- جبت لكم الطريقه ولا اسهل , مشتهيه تسوين تنظيف لبشرتك تعالي عندي :
نحتاج كريم منظف للبشره , اسفنجه , سكراب , مزيل الروؤس السوداء , آله بخار , ماسك , كريم مرطب

• اول شيء محتاجين تمسحين بشره وجهك بالماء وتخلينها رطبه وتحطين الكريم المنظف بطريقه التدليك عشان يتحرك الدم في وجهك ولاتنسين الرقبه وخلف الرقبه

• بعدها تجيبين القطنه وتمسحين رواسب المنظف بماء دافي واذا تاكدتي من نظافه البشره ننتقل للخطوه اللي بعدها

• نجيب السكراب ونبدا نتحرك من الجبهه بحركات دائريه نزولاً للانف للخدين فوق الفم وتحت الفم
• بعدها نجيب القطنه ونمسح
• نجيب اله البخار ونعرض البشره لها ماحصل ولا عندك هذي الطريقه

مويه حاره ونعرض البشره لها لمده 10 دقايق على الاقل
• بعدها تكون مسامات البشره تفتحت وسهل علينا نطلع الرؤؤس السوداء نجيب الابره الخاصه

اذا ماتعرفين لها مثلي استخدمي لصقات الانف تبع الرؤؤس السوداء اذا ماتوفرت عندك استخدمي هذي الطريقه بالاصابع اذا ماتعرفين مالك الا الحلاوه > شفتو ان الدعوه سهله وكل شيء له بديل

• بعدها نحط الماسك وعندك بحر من الماسكات اختاري اللي يناسبك
• نغسل البشره بمويه بارد عشان تتسكر المسامات ونستنى 5 دقايق ونحط الكريم المرطب
وبكذا حصلتي على بشره نظيفه

6- حواجبك محتاسه وعندك عزيمه ولا يمدي الوقت :
مايبي لها أي تفكير الاثنين هذولا مافيه احسن منهم لشغل البيت

بالنسبه لي استخدم جولان , لانه بكل صراحه مايخلي الشعر اصفر ابدا مثل بلندور
جولان طريقته متكوبه عليه , اما بلندورفبسم الله نبدا طريقته :
1- غطي حواجبك بفازلين
2- نخلط قسم متساويه مثلا نص ملعقه صغيره من البلندور كمان نصف ملعقه صغيره من البروكسيد ونخلطهم ونرسمهم على الحواجب بالشكل هذا

8888
ادري الصوره لكم عليها شوي بس هذا اللي طلع معي
نص ساعه نستنى ينشف ونجيب قطنه نبللها مويه ونمسح المشقر , وبكذا انتهت المرحله الاولى من تصليح الحواجب

7- جاء وقت الصبغ :

زمان كنت استخدم كلستون بس يطول يبي لك ساعه على بال مايصبغ
هذي الصبغه لسى جديده وراس مالها ربع ساعه والحواجب مضبوطه وسعرها 9ريال , يابلاش نجيب البودره ونحط عليها نقط خفيفه من المويه لين تصير مثل العجينه ونرسم الحاجب

مسائله انك كل اسبوع رايحه للمشغل تنظفين حواجبك زهق وملل وتعب وبنفس الوقت خساره وقت وماده
الدعوه بسيطه يبي لها شويه تفكير .

8- نجي اللحين لشفايف , كثير منا تروح لزواج او حفله او حتى بالدوام وبنص الوقت تلاقين شفايفك تتشقق والروج يحتاس
ونشوف ناس تطلع وتدخل وفمها نفس ماهو مثل حبه الكرز , والطريقه جداً سهله
الفازلين اقوى سكراب لشفايف قبل ماتنامين دللي شفايفك بالفزلين
واذا صحيتي من النوم وبحركه سريعه جيبي الفازلين مره ثانيه وحطي شوي على راحه يدك واخلطي معه سكر او ملح
وبحركه سريعه على شفايفك لمده دقيقتين الى 5 دقايق وغسلي شفتك
بتلاقين ان شفايفك نظيفه والتقشر اللي كان يجي مع الروج يختفي تدريجياً
وكمان تقدرين تحطين فازلين وتجيبين فرشاه اسنان وتحركينها بشكل خفيف على شفتك
وادعي لي

9- نجيب لرقبه اللي الكثير يهملها زيت اللوز وزيت الجليسرين دلكي فيه رقبتك كفيل انه يوحد لونها

BRb ,,

يدينك اصابعك اطراف اصابعك واظافرك هي دليل نظافتك

يدك تعبانه وشاحبه تبي شوي انتعاش تعالي نعمل لها تدليك بسيط

شايفه كيف كل منطقه في يدك تتصل بعضو بالجسم , وان صحته معتمده على راحه يدك !!

10 - تعالي نعرف شوي كيف طريقه تنظيف اليدين :

• امسكي يدك وجيبي الاسكينول وقطنه وابدي بمسح يدك لين تتاكدين من نظافتها


• بعدها جيبي الملح او السكر ورشيه على يدك وابدي افركي الليمون عليه

• بعد ماتخلصين غسلي يدك بمويه فاتره

• وجيبي أي زيت ترتاحين عليه او أي كريم مرطب وابدي اعملي تدليك بسيط وخفيف ليدك لمده من 5 الى 10 دقايق

حركه سهله وبسيطه وماتخذ منك ولا حتى 7 دقايق , انتي بنفسك راح تحسين براحه ونعومه يدك وكمان المفاصل الغامقه راح تختفي

اضافرك هي دليل نظافتك لاتطولون الاظافر يابنت الرسول صلى الله عليه وسلم نهى عنها وهي مركز الاوساخ والشياطين

11- بتقصين اظافرك وماودك تنحاسين طريقه بسيطه وماتحتاجين الا العده البسطيه هذي :

• ابردي اصابعك بالمبرد رقم 1

• جيبي مويه فاتره وحطي معها اوراق نعناع


• غطسي يدينك فيها لمد من 3 دقايق الى 5 لين تحسين ان الاظافر بدت تلين


• شيلي يدك وجيبي المقص رقم 2 وقصي راح تحسين ان نفس الظفر فيه ليونه ويتشكل معك بالشكل اللي تبينه سواء كان مقوس او خط مستقيم


• بعدها جيبي المقص رقم 3 وشيلي الزوائد من الجلد بعد القص

• بعدها جيبي القلم 4 و 5 وشيلي الزوائد اللي على جوانب , وخذي رقم 6 اللي مثل الفرشاه الصغيره وابعدي فيه الزوائد

• غسلي يدك ونشفيها وجيبي الشيء الجميل هذا من بودي شوب سعره اتوقع مايتجازو 25 ريال , اتعب وانا اقول يعطي الاظافر منظر هيلثي

• اما اذا كنتي ماوراك صلاه ومعذوره كملي التنظيف وجيبي المناكير وبالطريقه هذي فرقي اصابعك عشان ماتلصق المناكير ويحوسك

يقال قديماً ان اغراء الانثى في قدمها لاني قليل اللي يهتمون فيها , يقال عاد مدري


كثيررررررررررر يهملون اقدامهم


وكثير نشوف شوز بطل ويهبل لكن الرجلين عليهم السلام

هذي الاله حلوه وسعرها متوسط كمان للبوديكر وراحه القديمين

ماعندك الاله مو مشكله نجيب مويه دافيه ونظيف لها ملح وزيت ونغطس الرجلين فيها لمده مابين 5 الى 10 دقايق

نطلع الاقدام ونمسحهم مسح جيد ونغطيهم كلهم بفازلين وننثر شويه ملح خشن على الاقدام ونجيب أي اداه خشنه قدامك

وتفركين فرك خفيف بحيث يطلع الاوساخ ومايأذي رجلك


وندخلهم مره ثانيه جوى المويه والزيت ونرجع نفرك 3 مرات نكررها لين تحسين ان رجلك نظفت بعدها قصصي اظافر قدمك بنفس طريقه اظافر اليد


غسلي رجلك وامسحيها مسح كويس ودهنيها بزيت وألبسي شراب وعوافي عليك على هالاتمام الحلو

BRB ,,

بنات عشانكم والله صورت كريمات تبع طريقه التنظيف حقتي , هذي الكريمات بس لفقره التنظيف :

طبعاً مثل ماقلت لكم انا استخدم منتجات نزيه احبها واحس تعطي نظافه


اذا خلصت من عندي شفت اقرب شيء من جمبي وحطيته


وارجع اقول افضل كريم عندي لوجهي جليسوليد


وهذي بس حقت التنظيف اللي استخدمها مره بالشهر


والبخار مره كل 3 شهور

هنا العده كــــامله

هنا الكريم المنظف , والكريم المرطب , والماسك , بالنسبه لسكراب للاسف انه خلص من عندي بس دايم اشتري اللي بالمشمش مره حلو

ونزلت لكم السكراب الثاني اللي استخدمه تبع كلين اند كلير على اليمين , واللي على اليسار منظف اذا استخدمتهم احس صدق بشره وجهي تتنفس

هذا الاسكنول معليش رايحه ورقته من كثر مايتعرض للماء , بعده اللي على اليسار طويل هذا مره سويت تقشير واعطتني الدكتوره هذا الكريم


اتعب وانا اقولكم ينعم , اذا حسيت مره بشرتي جافه اداوم عليه اسبوع كل يوم بالليل يعطيني نعومه

الصغير اللي تحت كمان كريم مرطب ماحس له فايده بس بشنطتي اذا كنت طالعه ورايحه مكان يفك ازمه

منقووووول


اتمنى من جد افدتكم , ومابي منكم الا دعوه بظهر الغيب لي وللمسلمين ..

الله يجزاك ويجزاء وآلديك الجنه إن شاءالله
على هالطرح الأكثر من رااائع
بصراحه نصااائح رااائعه ومفيده
وحفظتها عندي ..


بصراحه عندي مشكله شعري طويل بس فاقد الحيويه والله إني اهتم فيه بس
ماطلع مثل حيويه شعر هذه

رررررررروعه

موضوع متكامل

بس انا استغرب من بعض البنات الي ماتقدر تسوي لو تنظيف بسيط لبشرتها

تقول مااعرف وزلام اروح المشغل انا بصراحه ماارتاح للمشاغل واسوي كل شي بنفسي

ويسلموووووو على الموضوع الاكثر من رائع

طرح جميل بل رااائع واكثر ..
الاهتمام بالشعر والبشره بسيط وتستطيع كل فتاة ان تعتني بشعرها
وبشرتها - دون اللجوء الى المشاغل -
بس يبيله متابعه وباستمرار - والاهتمام بالاكل الصحي والمفيد ..

سلمتِ يالغلا ع الطرح المميز
ودي

:

مشششكوره ي منبع الذوق
طرح حييييييييييييييل قيم

مشكوووره ويعطيج العافيه على الموضوع الشامل..,,

عـروبـة
كل الشكر على طرحكـِ الرآئع والمفيد

بصرآحه موضوع روووعه ..


وفعلاً أحيانا نحس بفتور ونتعاجز .. ونتكيسل .. بس حلاة البنت تعرف تهتم في نفسها وتدبر عمرها ..


لاهنتي عزيزتي وربي يجعله في موازيين حسناتج ومن عمل عليه ..



~.. ع ـــــوآآآآفي ..~