ليش دموعنه تنزف قهر بالعين

(( ليش نموت))


من دون البشر بسكوت
(ليش نموت)
غربه بلا جفن لا دمعه لا تابوت


لا أم ال تصيح بصوت

لاأخت ال تبجي بيوت


لا بيرغ عراضه يجول

لا خير علينه يفوت
(ليش نموت
)



ولحد من يظل هذا الشعب مشحوت
يوم الذيب ياكل بي
يوم يصير حك الحوت
ليش نموت؟


ويموت الفرح بينه ونتيه سنين
ليش نضيع؟؟
كلنه بزحمة الماشين؟؟ ليش أطفالنا الحلوين جوعانيين

ليش دموعنه ال تنزف قهر بالعين


ليش العيد ما زار الوطن مره
نتاني الراح وين الراح

وياهو ال يعرف بأمره
يا سفان شعبي وياك ذمه توصله للعبره
يا سفان بحرك هاج..ودروب
السفر خطره ..وأنا بحسره
أخاف الروج ياخذهم



أخاف الليل يخنكهم
اذا ماتوا بأرض بعيده عن بغداد
ياهو يعزي البصرة

يا سفان لو غركوا أهلنا هناك
ياهو ال يطلع الغركان
وياهو ال يزوره الحضره
يوميه بحزنه نموت
موال الحزن رافك عمرنا دهور والخاطر ابد مكسور
واحنه نموت من اول القصيده


وفاركنه الصوت
ظل بس الصدى يدور على المشحوف ليش نموت؟
مو انت عراقي منين الك تابوت
مو انت عراقي بحاجة التابوت

الله يرجع بغداد كما كانت
يعطيك العافيه
وصح قلبك ولسان شاعرها

تقديرى

سلمتى غاليتى على روعة الاختيار
كل الشكر

انتقاء رائع
سلمت اناملك ~

خيي عقاب نهار
سعدت بمرورك
الله يسعدك

طفله شاعرها
سعدت بمرورك
الله يسعدك

خيي سيف شمر
سعدت بمرورك
الله يسعدك