قالت:طفش,قلت:الطفش في غيابك=
وإلا حضورك,عندي أكبر سعاده
أدور على الزيـن واللــــه جابك=
وأظن قلبي فيك حقق مراده
وقتي وشغلي كلـها في حــسابك=
ماعاد بدور على أهل القراده
اللــــه يكـــفيني زعـلك وعتابك=
والله يكفيك العيون الحساده
مابين جيدك لين رمشة هدابك=
يحلف قلم شعري لينثر مداده
وجسمك المتمرد اعلى ثيابك=
كنه سجين(ن)ينفرج من قياده
لامن يديني في يدينك تشابك=
كني مسافر عاد يسكن بلاده
ليتك لنا جارة وبابي ببابك=
وإليا مرضت يصير بابك عياده
وإلى فرحت ادعيك يالله هلا بك=
تعالي لداري ولا به نقاده
هي كلمتين لوصف حضرة جنابك =
حتى النساء سموك(سكرزيادة)
بقلم \ عبدالله المالكي