ونين الضلوووع

يا الله بطرْق ٍ يخفّف ما كتمته.. جديـد

قبل الهواجس تطوّعْني علـى طوعَهـا

أحِيد عن دمعةٍ بين المحاجـر وأحِيـد

عَمّا طرى ..والعروق الله وَلا جوعهـا

وين انت يا اللي تبيد الناحله ..ما يبيـد

حزن الليالي و صبْر الروح وفجوعهـا

ناديت في موقفٍ بين الوعَـد والوعيـد

والارض خلْيا وهي ما تكفي جموعهـا

واصوتي اللي ذبَحْني من وريد لوريـد

والنفس ما بيّنت حـرفٍ بموضوعهـا

لولاي اخالف يديني للمحانـي وأهيـد

أمسى ونين الضلوع يصرّم ضلوعهـا

يا ضيعة الحظ والوقت المغل الشديـد

يا كبدي اللي تـزوع الهَـمّ ويزوعهـا

والله يجازي طواريق النـوى بالزهيـد

والله يرُوع الليال السود مـن رَوعهـا

يا هيه يا اللي تليّن من غـلاك الحديـد

ا جاذب العَبْره اللي يصعَـب طلوعهـا

الله يجنّبْـك مابـي لا بغيـت الوكيـد

والله يبيح الرموش السُـود ورموعهـا

خوفي عليك انت من ضيم الزمان العنيد

وهْـروج الانـذال تابعهـا ومتبوعهـا

أكبر من الهم والفرقا ووصْـل البعيـد

لـوّ النصايـب مسافتهـا ومشروعهـا

وتقول اودّعْك .. قل لي يا سمِيَّ الفريد

يا مُودع ٍ نفس منْك تـودّع اربوعهـا

وش لون اودّعْك ما بين البكا والنشيـد

واشجار الايام دونك يبْسـت فروعهـا

هي باقيه روح حتـى تستلـذ القصيـد

والاّ بقت عين حتـى ننثـر دموعهـا

. مما راق لي .

كاالعاده
لايروق لكي سوى كل ماهو مميز
ذائقه تستحق الشــكر
فألف شكرعلى عطائك المميز

بوح المشاعر
يزيدني تميز مرورك
الدائم ورقي مفرداتك
تسلم من كل شرر ..

رؤؤح خيال

انتقاء فائق الجمال

يسعد لي قلبك وسلم لنا ذووقك الراقي

دمتي متالقه ومبدعه

تحياااتي لك..

أنتقاء جميل ومميز

مشكوووره ويعطيج العافيه

انتقاء رائع
وذاائقه مميزه
سلمت على الانتقاء الجميل
وطبت كمآ شئت