مسائكم سعــادهـ ,,
يااانديـم الجـرح واللي وصـتك بارقامها
عارف انك ماتعرف الا شـذى يشمـومها
لاتعلمني عن آخـر ماحصـل باـيامهـا
من رسالتها عرفـت اليـوم كل علومهـا
ادري ان الوقت شمر عن يديه وظامهــا
وادري ان الحظ الاقشر صار مثل هدومها
وادري ان الهم وقف في طريق احلامهـا
لين صار الحزن اثرهاا..والشقى مقسومها
بس تستاهل!!هي اللي طـاوعت من لامها
وباااعت اللي كل ذنبه مادخل في سومـها
خلهـا تدفع ثمن غلطاتهاااا مدامهــــا
هملت قلبي وراحت واسرفت في حومهـا
ويبتعد مع كل خطوه صوت وقع اقدامهـا
وتقرب الظيقه وتصحى دمعتي من نومهااا
لين غابت عن عيوني.. وانجلى هندامهـا
ليلة تغفى على صدر الظـلام نجومهـااا
كنت احس بشي والله ماتشيل عظامهــا
لو تحس بشـي منه يمر وسط حلومهـا
كنت احس ان الضلوع العوج مثل ايتامها
واشعر ان القلب نبضه منتهي من يومهـا
والحياه اللي تدور شهورها واعوامهــا
وقفت..واليوم دور رماحها وسهومهــا
ياكثر مااغرقت نفسي في بحوراوهامهـا
وياكثر ماضعت بين اوهامها وهمومهـا
ماجدااي الا احـلم اني واقف قدامهــا
واتخيلهـا تعااتبنـي واروح الومهــا
يانديم الجرح خلك من علـوم ايااامهـا
مابقى فالقلـب رغبه يلتفـت لعلومهـا
والرسـاله ردها للـي زمنها ضامهـا
وقلها كلمه وتفهمهـا حسـب مفهومهـا
والله ان اقص كفـي قبل ادق ارقـامهـا
والله ان اشيـل قلبي قبل اشيل همومهـا
شاعر الكلمه ,,
فهـــ المساعد ــــد
العرض الشجري
