انا بنيه وطبع النت علمني ارمي فستان الدلع وتلثم بشماغي
يمين الله يمين الله لأعلمك التحدي كيف
واعلمك القصيد شلون يخضع لي وانا بنيه
::::::::::
واعلمك السما وشلون تمطر والليالي صيف
واعلمك المذاهب الأربعه وكيف تبيت النيه
::::::::::
انا بقولها لك جد.. ترى ما ينفعك ياحيف
واذا انك "انس" ياعمي تراني ساس جنيه
::::::::::
يقولون السما زرقا وانا اقول البحر والسيف!!
بهم نفس الزراق اللي نشوفه بالسما زيه
::::::::::
يقولون الفضا واسع وانا اقول المدى ما شيف
اجل وشلون لا شافو فضاهم للمدى فيه!!
::::::::::
مداي اكبر من وجيه بها كذب ونفاق وزيف
وصداي ارحب من نفوس الرجال وكل نشميه
::::::::::
امد الكف واراهن واعرف صيغة التعريف
مدام ان الوجيه السود والكفين مقريه
::::::::::
وضوحي مثل عين الشمس ما يحتاج للتوصيف
واعرف ان الجهامه عن وجيه القوم مطويه
::::::::::
ترى هذا قصيدي جاك بلا غش ولاتحريف
واذا منك لمست سهيل..تعال وصافح يديه
لامستني
انا بنيه وطبع النت علمني ارمي فستان الدلع وتلثم بشماغي
العرض الشجري
