لله درّك يازمــان القسـاوه

[poem=font=",6,skyblue,normal,normal" bkcolor="black" bkimage="" border="none,4," type=1 line=0 align=center use=ex num="0,black""]






لله درّك يـازمــان الـقـســاوه =
علّمتني بقلوب الأصحـاب وشْ لـي
كنت أحسب إنّ العمر معهم طـراوه=
واليوم ياوقتي كشفت الغَشَـشْ لـي
واجوّي اللي كـان بسـط وحـلاوه=
وش فيك ما تنعش ولا تنتعـشْ لـي
أوّل وانـا بيـن السّهـا واللّـهـاوه=
لكنّْ طـرّاش النوايـب طـرشْ لـي
هِبِّيـتْ يالمبلـي بطبـع الشـقـاوه=
يا ضاحكٍ لي كـل ماجيـتْ هَشْلـي
أبْد الوفا .. واخف الجفـا والعـداوه=
وسِقْ لي مجاهيم المودّه .. وحِشْ لي
ورتّل على سمعـي سـواة التـلاوه=
آيات وحي مسيلمه .. وانتفشْ لـي
شـرواك لـو زيّـفْ عليّـه ومـاوه=
لابد مايمسـي مـن العيـب فَشْلـي
عهد النقا .. مـادام جيتـك نقـاوه=
يوجب عليك بنقوتـك تبتهـشْ لـي
لكـن مثلـك مثـل ذيـخ الضّـراوه=
لهّـاث مرتـاحٍ .. ولهّـاث مَشْلـي
ابنتزح لـو جـزتْ بِيـد السّمـاوه=
واسري دجاها لو يبيت الوحَشْ لـي
فقـدك تباشيـرٍ .. وقربـك عمـاوه=
مـا دمـت لفّـاقْ لكيـعٍ ونَشْـلـي
[/poem]