سالفة صمت
[glow1=00ff33]
تنكست اعلام فكري وسلمت
سلمت كل اجنود عشقي شهيدين
نامت هقاويي وانا مابعد نمت
واستيسرت سلطان نومي سلاطين
خل السهر ياصاحبي لو تكرمت
يسأل ظلام الليل عن القمر وين
هايم وربي في عيونه انا همت
اشرف واطهر حب بين المحبين
ماعاد ينفعني الندم لو تندمت
وباقي العمر اقضيه بعده انا وين
مابيني وبيني افكر لو اصدمت
أخاف اني اخسره في طرف عين
ودي كذا ابقى معه لو تألمت
مااصارحه بالحب ونبقى على الدين
قررت اقول اني أحبه وعزمت
أسيح إعروق الحيا علها تزين
رحت لحبيب القلب جيته وسلمت
ثم قلت كيف الحال قالتلي اهلين
ثم خانني التعبير فجأه وتمتمت
قالت تفضل قلت لالا ولا شين
حاولت ابديها ولكن تلعثمت
حاولت اخبيها وبانت عناوين
الدمع لامنه نزل سالفة صمت
هذا كلام القلب اثرعلى العين
الموقف اللي صار منه تعلمت
إعيوننا احيان تنطق من البين
حكتله عيوني وانا ماتكلمت
هذا كلامي العين حسبي على العين
[glow1=99ff66]قلم فواز الشمري[/glow1]
[/glow1]