سلام يابنت لها القلب يشتـــــــــــــاق = بنت ولا كل البنات بجمالــــــــــــــــــــــــه
هذيك حائل ماهي بهند وأشــــــــواق = ديار حاتم شامخاتن جبالـــــــــــــــــــــــــه
خوذوا كلاامي وأقبلوا شوق عشـاق = صوب الديار اللي تلازم خيالـــــــــــــــه
أحب حائل وضاوي الليل بــــــــــراق = أحب ضلعه مع هبايب شمالـــــــــــــــه
فديت صبحه لا غدا وقت الاشــــــــراق = وفديت غيبة شمسها ونزوالــــــــــــــه
ديره وهبها خالق الخلق بــــــأرزاق = زين النفود اللي يباري جبالــــــــــــه
وطرق الهوى لامن تلاعب بالاعماق = وزين الفياض اللي تلون سهالــــــــــــه
وناس عليها منطق الجود قـــد لاق = الجود ورث وجود حاتم مثالــــــــــــــــه
بينك وبين الجود يادار ميثــــــــاق = قواعد بالطيب حاتم بنالــــــــــــــه
ياناس شوقي ماتكفيـــــه الاوراق = وبدع القوافي ماتوفي جنابـــــــــــــــه
شوقي لها عداد ماداجت نيـــــاق = بسهالها وقت الشروق وزوالـــــــــــه
وأعداد بيت منتصب فاتـــح رواق = بسهال حايل مع طوارف جبالــــــــــــه
وأعداد ضيف من كرم حاتمي ذاق = أنعام خير واهبه من حلالــــــــــــــــــــه
وأخر كلامي ناتج لسرد الاشواق = حائل ولا أدور حبيب بدالـــــــــــــــــــــــه