مني عهد ولا بي منك أي حاجه
الموت ما يقدر يفرق بينك وبيني
مادمت أحبك وروحي فيك محتاجه
والله منساك مهماطالت سنيني
مصير يومٍ يجي وياك نتواجه
وننسى الفراق وقربك لي يداويني
الموت ياقلبي أبد لا يمكن علاجه
من بعد فرقاك حزني دوم طاويني
من عقبك العين من هالحزن ثجاجه
تنزف وداع وألم من حر ما فيني
والله فقدتك وفقدت الحب وأمواجه
وفقدت بسمه شفاهً لي تواسيني
الحب لك وانت راسه وتاجـــه
والعمر بعدك مثل موتك يبكيني
أسير قلبي ويصعب غيرك فراجه
وحيد عايش ولا مثلك يسلينـــي
ياليتني قبرٍ يضمك وأشعل سراجه
وأبقى معك في برزخك ما تخليني
محتاج صوتك حبيبي وأسمع ازعاجه
ومشتاق اشوفك ولو صمتك يحاكيني