شمر والشمال بعين الشاعرعلي الضوي(روائع)

للشاعر المبدع علي الضوي الشمري
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالي تعرّضت درب الليل ياغادي = ليلٍٍ تخالف دروبه مالك وماله
جنب دروبي ولا تمشي بلا قادي = وان مال دربك انا اواسيه وابراله
وانا ادري انك بوادي .. واني بوادي= لكن مع الميل بعض الناس ميّاله
لا تكتب اسمك خطا وتقوللي عادي = حدك ومن شاف حاله ماستر حاله
واللي بحكي الردى راضي ومتمادي = "ابتفل" بمجلسه وآكب فنجاله!!
"الشمري " لايغرك طبعه الهادي = ان مال وقته عنيد وميل عقاله؟
وانا عنادي خبال وخبل بعنادي = واخبل خبل من عنادي ياخذ خباله!!!
نعم بدو وانتم التالين يالغادي = والجاهل نعلمه ونعلم اشكاله
معنى بدو: من بدا ومعنى بدوي بادي = يعني بدينا العرب رجلي وخياله!!
اجدادي الي بنوا لايامي امجادي = تاريخهم هو قدوع الوقت ودلاله
وش قرب اجدادك الهافين لاجدادي = متى تساوت حريم الدار برجاله
لابوك وقتٍ يهين الحاضر البادي =ولابو زمانٍ يدوس الحق بنعاله
حنا " الطنايا الضياغم " عد يا عادي = حنا " السناعيس شمر" دل ياداله
بيباننا تحتمي للجار وتفادي= ورضيعنا ينحني للضيف بزماله
والطيب ذود( وشمّر ) كلها حادي = ترعاه من فيضه لفيضه وتحداله
يافرقنا لو تقول بلادك بلادي = صوتك مثل أي صوت وصوتي لحاله
ما نسمعك لو تجر الصوت وتنادي = وانالو اهمس تعج البيد برماله
صمتي طويل المدى ماتاصل ابعادي = وصوتي بعيد الصدى ماتلحق ضلاله‍
إيه بدوي ما البس الا ثوبي وزادي = طبخ مرتي وانت زادك طبخ " شغاله"‍‍!
إيه بدوي ما اعرف( بابا ولا دادي ) = هذا كلام الدلع لحضير وامثاله
واللي لبس بنطلون وشجع النادي = بناتنا الغافلات ارجل من عياله
تاريخي لياحكيته مسك وكادي = والا انت ماينحكي تاريخك زباله
لاجييت آبعد فعلك تفضح اعدادي = لنك ردي والردي ما تستر افعاله
لاسولف الكذب قلت الحين ميعادي = آقف ولا اداري الكذاب وادراله
ما اموت ضامي وبير الحق ميرادي = آرد واصدر بدلو البير وحباله
وان كان بالحق موتي هذا ميلادي = آبتكفن لموتي وآتهياله
بس انت جنب ولا تمشي بلا قادي = وليلٍ تخالف دروبه مالك وماله
حرام لا شفتك اني لاافلت زنادي = والله يلعن ابو الشيطان وعياله! [/poem]
قصيدة كتاب الشمال


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصفحّت الشمال وكل حبٍ في ضلوعي سال = وانا مشتاق لكتاب الشمال وريحة سطوره

قريته من جنوب(جبال حايل لزعبل لقيال) = واحس بداخلي مع كل صفحه تنولد صوره

تهجّيت الشوارع :كلها زحمه وطيش أطفال = تهجيت البيوت: وكل بيتٍ يحضنه سوره

لمحت(الشمري)صفحة وفا بين الورق تختال =قريت الطيب وحروفه من اول سطر محفوره

لقيته بالرضا مثل النسيم..وبالغضب زلزال = لقيته بالرخا غايب..وبالشده لقى دوره

اذا صوته تكلم أستحى صوت الحسود وزال = أفا..كيف يحكي حساده وصوت المره عوره!!

ترجّاه (النفود) ليا مشى يمشي بدون نعال = تبي تحفظ بقايا خطوته..وتعيش مغروره

هنيك يوم (شمّر) يالشمال اختارتك منزال = عرفت الحين وش خلا الصباح تغرّد طيوره؟

هنيك(بالطنايا) كل يوم يدوس بك خيّال = أجل كل يوم وارضك من سحاب العز ممطوره

هنيّك..والله يعينك على الحساد والعذّال = يشوفون القمر فوقك.. وكلٍ يشتهي نوره

وأنا البارح حلمت-أستغفر الله- حلم ماينقال= (......................... .........)

[/poem]
[color="darkred"]للشاعر المبدع علي الضوي الشمري

صح لساااااانه علي الضوي الشمري

وسلمت يالعمودي شاعر الابداع
على الذائقه

:

صح لسآن قآيلها وتسلم م م يمين ناقلهآ
شكري الجزيل اخي


:

سعيد العمودي

احييك لنقلتك الرااقيه
سلمت وسلم شاعرها

تقديري لك

لمحت(الشمري)صفحـة وفـا بيـن الـورق تخـتـال
قريـت الطيـب وحروفـه مـن اول سطـر محفـوره
لقيتـه بالرضـا مثـل النسيم..وبالغـضـب زلــزال
لقيـتـه بالـرخـا غايب..وبـالـشـده لـقــى دوره


اختيار جزل واكثر من رائع
وصح لسان شاعرها
سلمت وسلمت ذائقتك المترفه ..
تقديري ,,

اختيار رائع

صح نبضك ولسان شاعرها

سلمت ولاهنت

العمودي صح قلبك وسلمت وسلم نقلك واختيارك
الراقي
وصح لشان الشاعر الرائع
وااصل ابداعاتك هنا
لك مودتي وتقديري

صح آلله لسآنه
و تسلم يمينك على نقلهآ

يسلم ذوقك اخوي على الانتقاء العذب


كل الشكر لك ..