الوطن لا صارت أحلامي بخير

تشهق الفكرة .. يوطّنها زفيـر
ماهي فكرة .. بل قضايا مع سيَر

ماهي قصة شعب وأملاك وأمير
ما هي قصة حكم وأفراد وبشر

ما هي قصة دولة وشيخ وسفير
ما هي قصة ساسة وجيش وقصر

القضية ياعزيزي .. يابصير
القضية : أرض وتراب وبحر

القضية هالثرى .. هذا الغدير
القضية هالصحاري .. هالشجر

القضية هالفيافي ، في عسير
القضية هالنسايم ف الخــبر

القضية بحر جدة دوم غير
القضية حايل الأرض البكر

والرياض اللي لياليها تثير
غانية لا من توشحّها المطر

ليتها ياليتها بِيدِي تصير
امسك ايديها واسافر للقمر

قالها اللي في هواها مستجير
قالها الفنان ، شاعرنا : البدر

القضية واضحة لو تستنير
الوطن مرباك اهلك والمقر

الوطن: جدي مع فراش وحصير
الوطن : أمي ، ودعوات الفجر

الوطن : هو جارنا الشيخ الضرير
لـَ انحنى يلقط من الدرب الحجر

الوطن : سارة ونورة مع عبيـر
الوطن هالرفقة اللي من عمـر

الوطن : لاصارت أحلامي بخير
آمنــة في جوف باكر تنتظر

الوطن : حرفًا تعلمته ، صغير
الوطن : هالحرف يومه ينتثر

في عيوني هالوطن يصبح كبييير
لا ابتسم لي حظ، أو " فاز النصر"

ياوطن افتح كفوفك لي واطير
ردّني لانوّخ العتم وسعــَر

طبّق شفاهك على الحرف الأخير
من سلام المسلم الحر الأغر

قل سلام الله على غادة واصير :
العروس اللي مطامنها " مهر "

إييه .. ياللي في تلابيب السعير
يومها الغربة على قلبــه دهـر

ألمحه في نبرة الصوت الحسير
والصيام بغربتــه: همّ وسقر

وضيقتك يافطيس في تالي عصير
زارته يافطيس من شمس الظهر

ياعسى من ذاق غربات وهجير
ياعساه يعود سالم .. منتصر

غانمًا من مطلب العلم الغزير
فـي تراديده تحاميد وبشـر

ذا ظماك وماك والبرّ البرير
ذا دواك وداك مالك من مفر

الوطن : بكره ، وماضيك الوفير
الوطن : هالحين وش يمكن يمر؟

الوطن : مأمنك . مرضاك الكبير
الوطن : ماهو بلد !! حد وجسر

انحنى غصن العدالة والسلام
واستقام الظلم ، شامخ مستطير

هالفئة .. اللي تبينا ماننام
روّعت قلباً برجفاته صغير

اسمعوها ياخفافيش الظلام
هذي كلمة بنت بأصبعها تشير

للي منكم ابتدا القصة وقام
يجتهد في غربلة فكرٍ بصير

" البلد هذي بلد أرض الحرام
مانبي منكم أبد شر وخير

ماحصل بعده من أحداثٍ جسام
استقامت يوم وحدّنا المسير

واللي مايرضى بقولي مايلام
دام شوف الحق في عينه عسير

دانه عساكي على القوه
وهل هناك اجمل من الوطن
سلمت اياديك
ودمتي بالف خير

انتقاء جميل واكثر
سلمت ِ وسلمت اناملك ..

رائع شاعرها
ورايعه بنقلك دانه
ننتظر ذائقتك الجديده

تقديري لك

صح ذووقك يا الغلا

ابدعتي بنقلك

كل الشكر لك ..

إنتقآء عذب

سلمتِ ي جميله

إنتقاء راائع
تسلم يمينك ويعطيك العافيه .

بوح المشاعر


على النيه


الخيالي على


بسمه طلال


جود العبدالله


قلبي شمري


يالله ان تحيهم وتسعد حيهم

شرفني مرووووكم يالغالين

وتركتوا اثار عطركم على متصفحي

كل الحب لكم