وشلون لون ابعشقها وهي ماهي بــ هي ؟

عشنا مع الدنيا .. مساكين وأغراب
كنها على أحلامنا [ تحجب الضي ]

رضيت أوادعها بلا شوق وأحباب
وش لون أبعشقها وهي ماهي بلي ؟

صحيح أبتعب وأتمنى .. وأرتاب
الدمع قاسي لكن فراقنا .. نــي

يا صاحبي لا صرت جاهل للأسباب
وش بستفيد إن قلت لك حر ما بي ؟


لحكايتي ما توسع سطور .. وكتاب
ولجرحي الميؤوس .. ما ينفع الكي


أحباب عشنا .. والعمر كان جذاب
لأن السعاده كانت .. إحساسها هي


كانت ليا من ضقت تفتح لي أبواب
وأشوف في صبح الأمل رمشها فَي


لفراقنا ما كنت أنا حاسب حسـاب
لأنها .. كل التفاصيل .. بالحــي


الشارع / الشباك / الأشياء / الأبواب
وجها على كل شي ما كان له .. شي


ما همني لا قالوا : أخطا ولا تــاب
سلمتها قلبي .. على راحة إيـــدي


أقول طير الحظ .. ما غرّد غيــاب
وأنا أتناثر شوق لطيوفها .. ( فِـي )


دريت بإن الوقت ظالـم .. وكـذاب
لو ما ظلمني .. ما غدت حالتـي ذي


أدري ولا ينفع مشاريه .. وعتـاب
ما دامني مت بشعوري .. وأنا حي


سؤال واحد يغرس بخافقي .. ناب

وش لون أبعشقها وهي ماهي بـ هي ؟



مما راق لي ولامس الاحساس