**عشق ابدوي**

12-07-2010, 02:09 AM

[BIMG]http://www.b3b7.com/up1//uploads/images/b3b7.com-29d942df27.gif[/BIMG]

السلام عليكم ورحمة الله وبركاته

**عشق ابدوي**

نويت مرباع الغضي سيد الاحباب

قصدي يزول الجرح زاد التهابه

جيت وبقايا نارهم حول الاطباب

وبيت الشعر مطوي وباقي زهابه

اقفت ركايبهم ومني الهدب داب

من دمع يسال وانذهل بالاجابة

على غزير الدمع ضميت الاهداب

صبيت لين الدمع يقفي سحابه

بعض الوجع يمكن تداويه الاعشاب

وبعض الوجع يا ويل منهو سطا به

عشق بدوي لا حب ما هوب بكذاب

يوفي ولو جرحه تجدد صوابه

واليوم وصلت بيننا مثل الاجناب

ذاك الغلا يا ضيعته يا سفا به

باكر الا جينا لهم مثل الاغراب

من عقب ما كنا الاهل والقرابه

الامر لله وكل شي له اسباب

ولا الهوى وش لي على هج بابه

وشلون قلبي ما يجي منه منصاب

على الرجم منقوش بعض الكتابه

حتى اثر مشيه مع سهول وهضاب

مر يبين ومر ما يندرابه

قلبي من الفرقا صويب ومرتاب

كنه غدا نصفين من هول ما به

حزني عليه انه تسبب و لا طاب

نظرة طبيبه عجلت في ذهابه

ريح الخزامى والنفل زين الاطياب

ويشدني ريح السمر في ثيابه

لاقبل نسيم الليل له خيل وركاب

وله في طلوع الشمس عز و مهابه

وسلامتـــــــــــــــكم..

اتمنــــــــئ ان تنــال على اعجــابكــم****

[BIMG]http://www.b3b7.com/up1//uploads/images/b3b7.com-8137bc4565.gif[/BIMG]

12-07-2010, 02:35 PM

وعليكم السلام ورحمة الله وبركاته,,

ريح الخزامى والنفل زين الاطياب

ويشدني ريح السمر في ثيابه

لاقبل نسيم الليل له خيل وركاب

وله في طلوع الشمس عز و مهابه

ازهار الياسمين

صح السان شاعرها وصح نبضج وكلج
انتقاء رائــــــــــع يالغاليه
ربي يعطيج العافيه

تقبلي مروري