لاتطول الغيبه

[frame="9 70"]
[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
يامبعدن عني غدى مرقدي غمت=كني قريص اللي يموت بنابه
الياغفت عين السهر بك تحلمت= يامن خفوقي فضله واعتنابه
مغليك ياللي عن هوا غيرها صمت=اصيا م زهادٍ بوقت الصحابه
بنيت بيتك بالسراجيف واقمت= وغيرك رحل وا قفى تواما ركابه
لاتطول الغيبه على شوفتك عمت= كما يعوم اللي خوا الكيف صابه
على الثمان البيض ومعنقك همت= احس قلبي والمعاليق ذابه
انا بفكري في سما ديرتك حمت= الشوق قرناسه هبوبك دوابه
القلب عاف البيض غيرك وانا شمت= مغليك لو تنزف جروح الاصابه
تقل فراشك خاليٍ منك لانمت=ومصباح زملوق ٍ روى من سحابه
مابك كبير الا هكا الردف لاقمت= تطوي عباتك ردته واكترابه
حطم قلوب الناس وانا تحطمت =اليا رتجف وسط العبات ورقابه
مثل عراجين الحياء يو م خطْمت= صف تلامع في مشارق خبابه
المدمجات اللي عليهن تردمت=حجل الذهب غناء الخطاوي عتابه
قسمين مقسوم ولو ماتقسمت=خصرك سكون كتاب شيخ قرابه
طلع النحر يم العواتق ركز سمت= يفهق معنقك الطويل انتصابه
لايا عيون اللي تذير من الكمت=عاف المقيل وذيرته الذيابه
منك الظباء مايجفلٍ واني اقسمت= ظبيٍ وجودك مايثير اغترابه
كانه جعلك الله نصيبي وانا انعمت=والكيف غنالي لحون الربابه
مالوم حالي فيك لو اني انلمت=ياجامع كل الصفات وحبابه
صوتك اليامنك معايه تكلمت=كل المشاعر حضرت واستجابه
ولا شافت عيوني عيونك وسلهمت=كن الرموش العكش فرسان لابه
واستيسرني في حلاهن وسلمت=وبيت المحبه نورت لك قبابه

[/poem]
[/frame]