نوح الهبايب ... اول الغيث ...

حنـّت مواتــــرْهم ودنــّــــوا حمولها
........والنفـــــــس غــــــــرْقى وسْــــــــط غبـــــــّة ذهــــولها

ما انسى ولو طال الزّمن حزْن نظرتي
....... وانـــــا آتــــــــرقـــــب بيـــــــــن الأزوال زولـــــــــــها

من شـوقهم للـــدار خفــــّت نفـــوسهم
...... كــــــــلن يغــــــــــــني الســــــــالفه مــــــا يقـــــــولها!

وانا همـــومي لــــــوّع الكبْــــد مرّها
...... والنــــفـــــــــس حيــــــلتها تــــــــقاضـــــت وحـــــولها

ولا راعني وانا غــــريق ٍ فســــجّتي
....... إلا وانا اســـــــمع صـــــــوت خـــــــــطـْوة رجــــولها

قلبي يحس بقــــــرْبها قبل اشـــــوفها
....... ووصـــــولها للـــــــــرّوح يـــــسْــــــبق وصـولــها !

قالت : بغيت آروح من غير اودّعك
......هـــــــــمْ المــــــــــوادع هــــــــــم دنياً بــــــــطــولها

لكن روحي جـــاير الـــشوق حدّها
...... ماهمـّـــــها وش عـــقـــْب شـــــــوفــك يــــــــنولها

وتناثـــرت دمـــعاتها فــــوق خدّها
...... وارْخـــــــت علـــــــى ياقـــــوتها صـــــفْ لــــولها

ولا شفت مثلي ميتٍ يحْسن العزا !!
..... اطــــــــــرّي الفـــــــرحـــه ولانــــــــــــي بحــــولها

والجمْ همــــومٍ تستبد بضـــميرها
...... وانــــــا همـــــــومي مســْــرجــــاتٍ خــــــــــيولها

واضمّد جروحن عليـــها تمرّدت
....... ولـو شـــــــــافت جــــــروحن بـــروحي تهـــولها

وآلمّها وآنا شــــــتاتٍ بـــقرْبها !
......وارســــــــم نـــــــهاياتٍ صـــــــــعيب ٍ وصــــــولها

حتى تنادوا للسّفر واجْــهد النوى
..... حــــــــان المــــــــفارق والمـــــراسيل جـــــــــولها

افدى عيونن سيّل الدمع كــحْلها
........ ومـــلامـــــــــحٍ بيّــــــــن عليــــــــها ذبـــــــولها

اليوم قل للحزنْ عندي مــضـافته
...... وخـــــــــلـّي حســــــــايفنا تنـــــــــــوّخ ذلـــــــولها

اقفت وانا قلبي كما وصف ديرتن
....... ينـــعى حمـــــــام الـــــــورْق بـــــــاقــي طـلولها

خليتْ مساكنها بعد جفْ نـــبعها
ريضــــــانها عـــــــــطشى .. وجـــــــــاير مـــــــــحولها

الطير عنـْها رفْ جنحه لغيرها
...... ونـــــوح الهبــــايب يكــــــتب آخــــــر فصــــولها

تركي الصخري