هذا طال عمرك كان مافيه نقل بزمانهم الا عن طريق سيارات الفروت
اللتى اشتهرت قديما وكانت طال عمرك عزمها مو قوي زي سيارات هالوقت
وكانت هن وسائل النقل في ذاك الزمن والسواق كان كنه كابتن طيار لازم له مساعد
وكان يسمونه بزمنهم معاون لاوقف يصلح له الغدا ويقهويه وابن امه يقول كلمه
وكان مشوارهم مثلا من حائل الى الراياض ياخذ الى اربع ايام
لكن كان لاوصلوا النفود مافيهم عزم السيارات
ينزلون الركاب والسواق يحط رجله
وهات ياتصفيق وتشجيع
الله المستعان رحم الله الميت وابقى الحي
كسايف في كسايف يارب لك الحمد على هالنعمه
واللى يشوفهم الحين على باله تتطعيس