ودوزنت الشعر عنقود .. دندنتك

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]





وشهقت جدراني..
اذكر إن الليل ناويلي خيانه
أفتح الباب /التحف باحضاني..
.....وانتشر..وانساني
آتناثر قي الشوارع..في المقاهي ..في الجهات يضييع همّي!
والظلام "النذل" يرسل طعنته يمّي..
….يدورني
لقاني...
كنت ابلوي حدها عني ولكن ..شقّني، ما امداني !!
ومن بدا نزفي.. عرفت انّي حزين
ليه / وين……..؟!
ليه مرّيتي على احضاني ..ورحتي
مثل طفلٍ لاحبا .. كسّر مهاده !؟
انتِ مانتِ "لصد…"! لحظه لوسمحتي
انتِ مانت لصدري الحافي ..قلاده
انتِ بضلوعي تعثرتي ، وطحتي
وانزرعتي في تراب الروح : عاده !!
وين هدّمتي حدود الأرض تحتيي
ليه غربتي حبيبك.. في بلاده..!
كنت متخبّي في صوتك ..وانفضحتي
وانكشف ليلي على الصمت وجراده!!
يوم مرّيتي عيوني .. ما لمحتي
دمعةٍ نامت على جفني وساده... ؟
"يالحبيبة" ليه جيتي .. وين رحتي؟
طفلك العاري تييتم يا مهاده..!!

......................
على آخر نفس واضما تماكنتك
تاريخي عطش يلهث على لساني
وانا غصنٍ يبس لولا تحضنتك
وضميتك شجر واخضرّت اغصاني
تلحفنا بنا .. كنتيني ، وكنتك
ولا ادري هالدفا حضنك أو احضاني !؟
تعدتني سواحل لين بينتك
خذاني مدها عني وخلاني
وصلتك ذابل شراعي .. وكونتك
مواني .. واحتواني طينك اغواني
تلمستك هنا .. حولي ، وطمنتك
أحبك كثر من جيته ولا جاني !
رسمتك في تجاويفي .. ولوّنتك
وبروزتك .. وعلّقتك ف جدراني
إذا ملتي .. تمايلت .. وتوازنتك
واذاطحتي .. اعاتب علبة الواني!
دفنتك روح في لوحه .. وكفنتك
من اطراف النوايا والجسد فاني !!
كأنك مين؟ كم شفتك .. وخمنتك
وفتحت وسرحت وساحت اجفاني!
تعودتك مع الأيام وادمنتك
ولا ينفع معك صبري ..ونسياني
وغبتي .. لا تباعدنا . ولا خنتك
رحلتي .. بس وين احزانك ..احزاني!؟
بنيت احلام لغيابك .. وسكنتك
بجنبك .. انتِ بيتي .. وانتِ جيراني !!
تفجرتي في حنجرتي ..وسوسنتك
وظللتي صدى بوحي .. وكتماني!
زرعتيني ف بساتيني ..ودوّنتك
على تيني ..وزيتوني .. ورماني
ودوزنت الشعر عنقود .. دندنتك
وفاضت بك أغاني سلة الحاني !
كتبتك لي قصيدة همس.. واعلنتك
وسمّعتك لأبعد حي يقراني
,,,,

لعذب ورضآ ذآئقتكم
..
























[/ALIGN][/CELL][/TABLETEXT][/ALIGN]