تلويحة الصد

مدخل


قبل انتفارق تركت الجرح يامسافر
وعلقت قلبي على بيبان تلويحك


هزيت جذع الكلام فبعدك السافر
وفزت يمامات ثكلى من تباريحك


في ذمتي ماتوقعت النوى كافر
ليني دعيته وفاء وارتد في شيحك




عمق




طبيعي الخوف لكن هالمسا خارج عن المألوف
جمعك غياب واشواق وحنين وضيّع وصالك


وانا في منتهى لمّ الحكايات الحزينه.. شُوف
هوا / عبره /ظلام وبرد ،،حط البرد في بالك


ولاتنساك / واحساسي بلاك/ وفكري الملقوف
وكيف الوقت يلعبنا (ضياع / اوجاع) ب آمالك


على تلويحة الصد / ومواويل الشقا وحروف
ألف ،، هاء / التعب جدّ وصياح الجوف متهالك


مطر ناشف على وجه الكآبه والزهر مكسوف
تساقط منه آمالي على الحرمان كرمالك


وانا ماغير اجمع من سنيني للأماني (صُوف)
واحاول أشبه اللي ماعليها منك وامثالك


وينبت يآس ،، في آخر مداي وخاطري مكشوف
تجاه..البرد والفقد المُحاط ب قمّة اهمالك


حزن،، ملّيييت اوراق الحزن.. من لونه المخطوف
ولكن ماتوقعت الأسى يكبر ويقرا لك


عجزت القى وطن فاضي يرد ل هالأنا معروف
يمشّي حال دنياي اللئيمه دون م ينالك


أبد من رحت وسكوت المسافه بالجفا محفوف
يفتّ ويربك ضلوع الحنين وما إلى ذلك


واكررها طبيعي الخوف لكنْ خارج المألوف
بما انّ المسا جمّع قساك وضيّع وصالك


واكررها طبيعي الخوف لكنْ خارج المألوف
تخيّل تتعب وتتعب ،، بوسط البرد ولحالك




مخرج



ملامحك مين عن بالي .. يخبيها
عتيق خبري و أنا للحين .. أنتظره


أنفاس عتمي تَنَاثر في محانيها
لما .. تدندن على الأحلام .. كم زفره


أمنّي الذاكرة عنِّك .. و أناغيها
طوّل غيابِك و أبطى الصبح من كبره



لاأرواحكم النقيه