سجل دخولك المنتدى ببيت شعر

‏أصد ويحسبون الصّد نوع من الغرور
‏وأنا أخاف أجي جيّة غريب ما تثمن جيّته

الجو غيم و ساقني يمك حنيني
‏ الله يجيبك يوم جاب الله مطر .

ليت الليالي القادمه والقدامى
ترفق على الوافين وتهدي شوي

‏مهما يكابر صاحب الشوق مفضُوح
‏ حتى لو انه مانطق كلمة اشتقت

‏الناس والأيّام تحتاج وجهين
‏وأنا معي واحد ويبغى السلامه !

من كثر ماني فاقدك ودي اغيب
‏يمكن أصادف في غيابي غيابك.

‏حزَّة سهر ..
‏وطيوفهم دايم تمر
‏وين العذر ؟ مابه عذر
‏حنا تعودنا كذا ؛
‏نسهر إلى نور الفجّر

تعّال أقهّويك من دلة غرامّك قصيد
‏مّزعفرهه من غلاك ،، وطلتك هّيلها

‏تطري على البال لا غنّى ابو نوره
‏" انت البدايات وآخر ساحل ومينا "

ليتني لاجيت في مدهال ذكرى لي قديمه
‏ترجع الذكرى حقيقيّة ويرجع مامضى لي

‏يا عسى باقي ليالينا تطيب
‏وحلوها بكره .. ينسي مرها

قالو تفائل في الحياه و لقيتك
‏الظاهر انك فال خير و مسرّة
.

‏ودي أبايع قهوتي لا تقهويت
‏ما دامها بالعدل تحكم مزاجي .

ليت الولايف مثل وضع العمالة
‏من غاب بلغنا عليه الجوازات ."

‏ليه السهر في تالي الليل موحش
‏و ليه الجروح النايمه ترجع تفيق ؟!