(( $$)).(نقاش عن التدخين ).(($$))

هلا وغلا بالغالي ومساك راحة بال انت ومن يقراء
جبتها على الجرح
اشكر بعنف حتى يغمى عليك
الدخان للاسف انا ادخن ولي اكثر من 25 سنه حاولت اكثر من عشرين مره لكن لالااسف ماقدرت
عزيمه خرطي ماهي سالفة عزيمه رحت لمكافحة التدخين كني داخل مكافحة المخدرات مع احترامي لهم
ماعندهم سالفه وللحين احاول اتركه بذن الله لكن متى الله اعلم مشكلتي بصراحة اني استمتع بالزقاره وانا ادخنها وسفرياتي كثيره ماركد يمكن من الاسباب بعد
تصدق اني حاولت بشتاء المحاولات من زقارة اكترونيه ماش ولها اضرار كبيره والشيشه الاكترونيه وبالمثل غيرت الدخان وبالمثل
اخر حل قلت اني اغير من الدخن للمعسل الشيشه واسبوع وثم تندبل كبدي منها واترهم كلهم نظف اللي نظف الشيشه وكذا
المهم انا اداوم بالحد الجنوبي نجران وانا رايح شريت شيشه من الرياض وكل خمسين كيلو مولع الراس هههههه والله اني صادق ولا امزح وكنت ناوي المهم وصلت نجران
وبالاستراحه الربع يجون ويقلون حنا جايين للبربوره اللي هي الشيشه قلت مبروكه اللي تجيبكم ونسمر ويييحصلبها لحمة حاشي وعلوم زينه
المهم ماني شاعر لكن نوب تطلع خرابيط تذكرت النجر نوب نسمعه ولا ندري اي البيوت لكن ندري ان فيه قهوة رجال وعلوم مرجله

اول يجر الصوت نجرأ للاجواد
واليوم تبربر يم الاجواد شيشه

الصدر ضايق وضغطنا حيل يزداد
والله يعين ان كان ساقة لطيفه << اول اسبوع من الامر بالسماح بالقيادة

قالو العيال كملها قلت اما اسبكم وهذا مرضاه او اكسر هالشيشه على روسكم ومن يومها رجعت للدخان


سبب التدخين " المحيط الصحبه الاهل ماهم السبب الاول ان كان الاب يدخن

ماهي الأسباب التي تجعل البعض يدخن سوا كان او --
سبب التدخين " المحيط الصحبه الاهل ماهم السبب الاول ان كان الاب يدخن

لماذا انتشر التدخين
مافيه توعيه سليمه عنه

ماهو الحل حتى نحد من انتشار التدخين
ماضنتي فيه حل هههههه دام مكتوب عليه احد اسباب السرطان ولانقراها

ماهي النصائح التي نوجهها للمدخنين
غير الشله ابو مناحي وابو خليف وتضبط امورك اذا كنت بداية تدخينك

ماهي مخاطر التدخين
المخاطر الامراض مثل سرطان الرئه لكن اقل الاضرار اللي عندك وحولك يتذون من ريحته وهالشي انا بصراحه اعاني منه كثير

تقبل مروري بكل صدر رحب ولك مني كل ود وتقدير
ابوسعيداء كان هنا ومضى