لغز(النشيط اللي يدوح الصعيدي)((حله التمساح البشري القاتل))

[poem=font=",6,orange,bold,normal" bkcolor="black" bkimage="" border="double,4,blue" type=2 line=0 align=center use=ex num="0,black""]

قـال النشيط اللي يدوح الصـعـيـدي=ويطرح ثمان افـغـان لـو معهـم احلاف
من كـثــر ماياكـل قــدور العـصيدي=ويشرب من الملحاء لبن عشب الارياف
انشدك عن رجل(ن)يهوم البعـيـدي=واسمه بسيط وحاوي(ن)لاربع احراف
حــرفـيـن للي من يجـيـهـا وحـيـدي=وحــرفـيــن للي بالـبـشـر دوم يـنـشـاف[/poem]

ضيفه ملقوفه بترمع رمعتها
ومشكور على اللغز

الحظ ؟؟

[align=center]
ياملا العافية يابو فهد
وش علمك على الصعيدي؟؟
هههههههههههههه

فكرت بالجوال بس الظاهر غلط؟؟

>>>>>>>>جاري التفكير
[/align]

اقتباس: المشاركة الأصلية كتبت بواسطة بنت الرمال    ضيفه ملقوفه بترمع رمعتها ومشكور على اللغز الحظ ؟؟

هلا وغلا بنت الرمال والبطحاء والنفود حياك الله

والرمعه اكيد انها ماهي مضبوطه لان اللغز يقول الحل 4 حروف

والحظ حرفين بس ح ظ 00 والله بالانكليزي اربع فعلا الحظ لانه يسمونه شانص 00

بس انا ثقافتي افغانيه ماهي انكليزيه 00 ننتظر رميه ثانيه

اقتباس: المشاركة الأصلية كتبت بواسطة نورالدنيا    [align=center] ياملا العافية يابو فهد وش علمك على الصعيدي؟؟ هههههههههههههه فكرت بالجوال بس الظاهر غلط؟؟ >>>>>>>>جاري التفكير [/align]

نور تريك مبطيه مافغصتي لغز 00

من سنة ضيعة اجوديه بمكه الى الان 0 مع انها ضاعت عقبها اربع مرات 00

فكري وحليه قبل ادفق فنجالك بوسط عجز اهل حايل 000

على فكره وش رايك بمطلع هالقصيده:

[poem=font=",6,orange,bold,normal" bkcolor="black" bkimage="" border="double,7,blue" type=2 line=0 align=center use=ex num="0,black""]
لاح بـراقــن دعــى الـعــربـان ضوحـه=وشــدوا الـعــربـان مـع نـور الـصـبـاحي
مـعـهـم اللي تـطـرب الخـافـق مـزوحـه=سـار مـظـعــونـه يـبــي ذيــك الـنـواحـي
ويل مـن مـثـلـي وقـع يـشـكـي جـروحـه=وان نهض جسمه ورى المجـمـول طـاحي
نـار هـجــر الـزيـن لـلـعــاشـق ذبـوحـه=لا تـبــي تـعـطــي ولا تـطــلــق سـراحـي
مـاحـصـل للروح تـسكـن جـنـب روحـه=ولا نـسـاهـا الـقـلـب وابـعــد واسـتـراحي
وردة(ن)تـشـرب عـلى مـنـقـع سفوحه=فـي نـهـار الــوســم وســيــولـه قـراحـي[/poem]

[align=center]
صح لسانك يابو فهد
نبيك تنزل ديوان بقسم همس القوافي يكون موضوع مثبت ويحتوي على جميع قصايدك
تكفى طلبتك قل تم

واللغز الله العالم احد حاطن لي بلا بالغازك والا ماهي عادتن لي
اخبر روحي ذكية ماشاءالله علي
[/align]

اقتباس: المشاركة الأصلية كتبت بواسطة نورالدنيا    [align=center] صح لسانك يابو فهد نبيك تنزل ديوان بقسم همس القوافي يكون موضوع مثبت ويحتوي على جميع قصايدك تكفى طلبتك قل تم واللغز الله العالم احد حاطن لي بلا بالغازك والا ماهي عادتن لي اخبر روحي ذكية ماشاءالله علي [/align]

اكيد انتي ذكيه حمو حيلك 00

انا جاني بلاء عن حل الالغاز ورحت لعقاب وقرى علي وراحت العين

وتصدقين لقيت العين من الساري هو اللي معطن بها يحسبن منيذر 00

انتي خلي خالك سكروب عكف يقرى عليك اخبره قرايته حلوه حيل 0 على فكره تخبرين هوشتي في

معركة جلديه يوم انا والحنيش نلتقي في هكالمعركه الضاريه واللي انتهت بهروبي من ارض المعركه

لاني(ابي الستر) يقولون ان رئيس اتحاد العاب القوى سمع بقمزتي للقليب اللي بلغت عشرة اذرع وقال

لازم نشوفه هذا يمكن نحطه مستشار باتحاد القوى 0 يقول اطول واحد عندهم قمز سبعه ونصف وانا

عشرة اذرع يعني فرق رهيب00 قلت ذويبان وتراك ماشفت شين بعد:

[poem=font=",6,black,bold,normal" bkcolor="red" bkimage="" border="double,4,blue" type=2 line=0 align=center use=ex num="0,black""]
وهو يـجـيـنـي وانا اقـمـز مع طـريـقـن صعـيـب=طـايـرن يـاجـمــاعـه فــي سـحــايـب سـمـاي
اوجـس الـنــاس تـحـتـي والـخـوافــق حـطــيــب=عـقــب ماكـنـت قـاعــد سـاجــعـن فـي خـلاي
كـيـف عــديــت طـايـر مـاذكــرت الــقــلــيــب=ولـو تـهــلـفـيـت وسـطـه كان راحــوا ضنـاي
خـطـوتـيـن وقـــمـزتـه كـالـحـصـان الـعـريـــب=والـمـبـارز رفـضــتــه قـبــل اطـيـح بخـطـاي
صـار لــي مـن عـيـونـه بـالـشــغـايــا هــذيــب=والخـسـيــس ان مـسكـنــي يـبـي يـلـعـن ثـواي
لـو بـغــيــت اتـعــدى لـلــهــلال الــخــصــيــب=سـرعـــتــي فـي زيــــاده لاذكــرتــــه وراي
كـلـمــا زاد عــزمـــه فــوق عــزمـــه نـجــيــب=وان عطى الداب سرعـه زدت انا فـي عـطـاي
الـكــتــاده وطـــيـــتـــه بـــس شــوكـه حــبـيـب=والـنــفــود الـغـــزيــره عــفــتـهـا مـن ذكـاي
دام راسـه عـريـضـن تــقــل عـلـبـاء خـطــيــب=وش يـفــيــدن قــبـالـه يـاجـــمــاعـه عــصـاي[/poem]

ماهو القارمن
؟؟؟؟؟؟؟؟؟؟؟؟؟؟؟؟
صح لسانك

اقتباس: المشاركة الأصلية كتبت بواسطة 1لحزين    ماهو القارمن ؟؟؟؟؟؟؟؟؟؟؟؟؟؟؟؟ صح لسانك

هلا اخوي الحزين ومالك لوا 00

ماهو القارمن 00 تراه سهل وماهو حديث وانما قديم

ولايزال موجود 000

[poem=font=",6,black,bold,normal" bkcolor="orange" bkimage="" border="double,4," type=2 line=0 align=center use=ex num="0,black""]
انا من غاب نور الـعـيـن سـهـري يافـهد عـاده=يروح الليل وعـيـونـي تراجـي صادق المـيـعاد
مـدام ان الـمـها قـامـت بـقـلـبـي تـقـدح زنـاده=لما صار الحـشى يشكي لهايـب جـمـرة الحداد
اراقـب لـي نجـومـن فـي ظـلام الـلـيــل وقـاده=لما يظهر شـعـاع الفجـر عـيـنـي ماهـنـاه رقاد
ولاتـرقــد عـيـون الـلـي يـعـانـي سـوط جـلاده=مع اللي لو تزود جـروح قـلبـي مـن عـذابه زاد
عزاي ان العـرب قـبلي شـكـت بـلـواه وانـكاده=ونـيـران الهـوى قـبـلـي ضحـايـاهـا بـكل بـلاد
مثل عـواد راح العـمـر يشـكي والسـبـب غـاده=ولا احدن بالعرب يـدري عن اللي ذابحن عـواد[/poem]

لايكون الدلو ؟؟؟؟؟؟

اقتباس: المشاركة الأصلية كتبت بواسطة ابو اريج    لايكون الدلو ؟؟؟؟؟؟

ابواريج حياك الله يالعزوه00

مالك لوا وحاول اخرى تروه سهل000

عندي رمعه ماهي يم قلم لكن بقولها

الدربيل

اقتباس: المشاركة الأصلية كتبت بواسطة ابو جوزاء    عندي رمعه ماهي يم قلم لكن بقولها الدربيل

هلا وغلا ابوجوزاء وحياك الله

ومالك لوا ماهو الدربيل وانشالله منتظر رمعه غيرها 000

[poem=font=",6,orange,bold,normal" bkcolor="black" bkimage="" border="solid,6," type=2 line=0 align=center use=ex num="0,black""]
عـز الله ان القلب يازين عـافـك=من عقب ماني في مجـافـاك مااطيع
من يوم طاح القلب يشكي جفافك=وماتـت بجـوفـي ذكريات ومشاريع
ياما رجـى الخـافـق ليالي زفافك=كـنـه يشـيـل ضروسـنا بالـمـقـالـيع
وياما طفح جـاشـي بـنـيـران قافك=مثل الجـواهـر بالـعـقـود اللواميع
وحطيت جيم الناس من عقب كافك=ونـثـرت قـيفانن تشيب المراضيع
صعبن على درب المحبه عسافك=مع علمك اني فيك مااشري ولاابيع[/poem]

فيه حرفين دم ؟؟؟

اقتباس: المشاركة الأصلية كتبت بواسطة كلي ظمى    فيه حرفين دم ؟؟؟

هلا كلي ظمى حياك الله ومافيه حرفين دم

هو اربع حروف وحرفين اسم الشي اللي اذا جاه الانسان صار وحيد

وحرفين اسم عضو من اعضاء الانسان 0 هذا توضيح وتوضيح كبير ولعلكم تصيدونه

تحياتي لك