۩۝۩1/9.. مع الحكواتي ..} أنوار الشمال { ۩۝۩

}{ 1/9 }{


نرى في مساء اليوم شذا عطرها الفواح ..

حكواتي الليلة

*۩* أنوار الشمال *۩*

فـل تتفضل في صدر المقهى .. للجلوس على كرسي الحكواتي ..

.. بتوفيق لها ..

... هـايدي مرسي قدن خالص مين قدي انا الحكواتي اجل اتشرط الليله بكيفي ...

ثنكيووووو هايدي ع الاستضافه الجميله ... يا اجمل هايدي


... انا ابروح اشرب فيمتو وراجعه لحد يتحرك لين اجي اوكييشن ...

ترى قصتي مشوقه بس لحد ينشرها >>> اخس يا اجاثا كرستي

سي يووووووووو .... لي عوده

يا اجاثا

يله يالحكواتي
متشوووقين لللحكايه
بسرررررعه انوار الشمال اشربي الفيمتو وجيبي لي كاس معاااك<<<هههه
بالعافيه عليكِ

متشكره هايدي
تحياتي للجميع

... ياهلا وغلا با الأميره ياقوت ... ومناهي منورات الحته كلها

... من عيوني اجيب لك يامناهي فيمتوووووووو يم يم ..

... ابقص قصتي الحلووه عساها تعجبكم بس فيه طلاب متأخرين وينهم هين بس لاجو اقرص اذانهم ماراح اعيد الحكايه بس اللي يجي نوزع لهم كباية فيمتو والفيمتووووووووو حيخلصووووووووووه يوووووه

...... بسم الله الرحمن الرحيم .....



القصه صارت معي ذكرتها هنا با المنتدى قبل شهور تقريبا لكن حبيت اذكرها لكم


... هذا مره من المرات فيه سنه من السنين قررنا انا واهلي نطلع للمدينه ومن بعدها ناخذ عمره ونرجع

كان هذا القرار با العطله ايام ماكنت بالثانويه ...

فرحنا حنا الصغار وكلن جهز اغراضه وحوسته ونبي نستعد للطلعه اللي ماننساها ابد

الكل مسوي براسه افكار وتخيلات عن السفره هذي خصوصا انه اول مره راح نروح للمدينه ونشوف مكه المكرمه...

طبعا فيه حاجه نسيت اذكرها بقصتي اللي نزلتها هنا قبل ...
سبحان الله ...
قبل لانروح نسافر حلمت اني امسك يد اخوي الصغير ( وليد ) واني انا وهو بمكان غريب زي الطريق لاكن ما اعرف وين با الضبط

وقبل لا يقولون اهلي نبي نروح للمدينه بعد حلمت اني بمسجد واشرب ماء سبحان الله وبعدها قالو اهلي نبي نروح للمدينه ومكه ...

... المهم ...

قالو بكرى الفجر نبي نمشي يا الله ناموا واشبعو نوم وجهزو اغراضكم
طبعا الصغار مانمنا واصلنا لين جاء الفجر متجهزين ونبي نركض علا طول للسياره
لكن تعرفون الكبار علا بال مايصحون ويتوضون ويصلون ويسون الشاهي والقهوه الا ملينا من الانتظار المهم واخيرا خلصو وكلن جاب حوسته وحطها عند باب البيت با الحوش وش حوسه ياهي حوسه ناس يبون يسكنون بديره مو مسافرين كلن مطلع بطانيته ووسادته ماشاء الله حنا عاد سبعه اللي يبون يمشون هناك يعني كل واحد معه بطانيته ووسادته لاعزالله مشت السياره المهم خففنا من الحوسه >>> يقال لنا خففنا
وحطينا بعض الحوسه فوق الجيب وبعضها انحشرت انا فيها داخل با السياره
المهم حركت السياره واخيرا وقمنا نتامل الفجر والنسيم البارد يا الله كان جو ولا اروع وسوالف وعلوم وضحك المهم تعدينا مسافه طويله من حايل نبي نطلع منها الا فجئه نسمع اخوي الصغير وليد يلجلج ويشر علينا ورى الا لقينا نص بطانياتنا طايحه با الشارع >>> اش لاتضحكون هههههههه
المهم هو يروح اخوي الكبير ياخذ فوق تحت لين رجعنا لللبطانيات واخذناها ورحنا سفطنا السياره عند برحه نعدل الحوسه ونزبطها تزبيط

طبعا طول الطريق والمواقف هذي كنت اكتب كل شي يقولونه اخواني با السياره وكل موقف كنت اكتبه بدفتر حتى الوقت والتاريخ واسم كل واحد من اخواني واكتب كلامه با التفصيل >>> الى الان محتفظه فيها يعني صار لها حوالي 7 سنين تقريبا بس خطي يفشل صراحه والا كان صورته لكم يا الغالين

... بعد تعب وحشره علا بعض داخل السياره وكلن يدور الفراش وصلنا للمدينه علا خير وسلام ...

رحنا استاجرنا شقيقه صغيره با الحيل عاد فرحنا فيها اهم شي مسكنا الارض نبي نحط روسنا وننام مواصلين مانمنا بعضنا نام وبعضنا قعد يسولف ويتعلل بس ازعاج لان الغرف قريبه من بعض بس يا الله تحملنا وش نسوي

المهم .. جاء يوم الجمعه والكل استعد يصلي صلاة الجمعه عاد با النسبه لي وللحريم خواتي اول صلاة جمعه لنا بمسجد يعني مو اربع ركعات ركعتين وحتى اتذكر الخطبه كانت عن السنه الدراسيه وعن التعليم عموما لان كانت المدرسه ع الابواب
المهم.. ماخلينا احد با البيت وكان اخوي الصغير وليد نايم با الشقه بس امي صحته غصب عشان يروح معنا لان محد راح يجلس عنده با الشقه وكان عمره سنتين ونص تقريبا

.. اقامة الصلاه صلينا وبعدها قعدنا نتفقد بعضنا من فقدنا ...؟؟؟؟

وين ... وين وليد ... ؟؟؟

الكل مو مصدق انه مو معنا كل ما اطلع من المسجد عندي امل القاه عند الباب ينتظرنا طلعت مالقيت شي والناس زحمه طالعه داخله احس اني تهت وتبلدت
امي بلحظتها مو مصدقه انه ضايع قالت ابروح للشقه يمكن انه يوم مشا معنا دل المكان ورجع نصنا راح مع امي للشقه والنص الباقي يدور با الحرم بعز الظهر والحر والشمس
اللي عندي الحرم عندهم امل با اللي راحو للشقه انهم يلقونه واللي با الشقه عندهم امل ان اللي با الحرم يلقونه بسرعه ويجون

... الكل تجمع با الشقه بعد فتره طويله ولا احد عنده خبر ...
امي وبعض اخواني لما مرت ساعه طويله او يمكن ساعتين من اختفائه فقدت الامل قال مو لها الحين حي قعدت وشرد ذهنا وماتكلمت بشي
اخوي الكبير قال انا بلغت الشرطه وجلس مع امي با الشقه

... ساعتها انقهرت انا من موقفهم وياسهم طيب مادورنا زين خلونا ندور مره ثانيه قالو اذا هو موجود الشرطه راح تلقاه ليه لحد الحين مالقوه قلت اذا تبون تنتظرون الشرطه الا الولد ضاع خلاص
خذيت عباتي وكنت ابروح لحالي من شده القهر الا اختي الكبيره قالت اصبري ابروح معك ومشينا انا وهي تحت

... طبعا الحرم قريب بس يبي له مسافه نمشيها وقفنا عند الشارع العام نبي السيارت تخلص عشان نتجاوز الشارع ونروح للحرم ... وحنا واقفات وقفت سياره ددسن لنا يحسبنا نبي توصيل قال تبن توصيل قلنا لا نبي ندور اخونا ضايع با الحرم قال اركبن وندوره با السياره وان شاء الله راح نلقاه متى فقتدوه قلنا با الساعه الفلانيه قال لا ابد ماعليكن راح نلقاه ان شاء الله
انا بصراحه من كلامه حسيت با الامل اكثر وفرحت الله يجزاه كل خير
الله بعثه لنا سبحان الله من غير مانفكر نوقف سياره وندوره
المهم ونمشي با السياره مامرت دقايق الا لقينا الولد يمشي مثل التايهه با الشارع انا مالاحظته لكن جاب الله اختي انها تشوف اكثر مني لاني فيني قصر نظر قالت وقف هذا هو ... عجزنا نصبر من بعيد نناديه وربي ما انسى الموقف
جانا يركض فرحان يتخبط كل شوي اقول راح يطيح ياربي لك الحمد لقيناه ورجعنا للشقه والكل تفاجئ وامي بكت با النهايه وقالت يا الله خلونا نرجع لحايل حتى مشوارنا لمكه الغيناه بسبب ها الموقف الصعب

... وفعلا بعدها تذكرت حلمي اني مسكت يد اخوي بطريق غريب سبحان الله ...

وانتهت القصه علا خير وسلام
... عساها اعجبتكم ...

بعد السهر وتعب الطريق وترجعون
يالله المهم سلامة وليد والحمدلله اللي الله رده لكم
بس ماشالله عليك شجاعه لو انا كان بمكاني ماتحركت من الخوف على اخوي
تسلمين يالغاليه

يووهـ ياشين الضياع..صديقتي الحين ضايع ولد عمها بس كبير شوي بـ المتوسط بس انطوائي عن الناس الله يرجعهم لهم

نواره الحمدلله على سلامه وليد خخخخ ياحليلك مابينسى لك ابد هالموقف

واروع حكواتي الليله واحلى حكايه من بوئك ياقميل ولك دولكه(جيك) فيمتو هديه خخخخخخخخخ

تقبليني
رجوجه

يسلمك ماقصرتي انوار يحفظك ربي

[align=center]

اقتباس طبعا الصغار مانمنا واصلنا لين جاء الفجر متجهزين ونبي نركض علا طول للسياره

ههههه يعني زي وضعنا .. والله ما نام .. للآن .
<<< الشايبة ما عقلت

اقتباس الا لقينا نص بطانياتنا طايحه با الشارع >>> اش لاتضحكون هههههههه

<<< والله فاطسه ضحك

اقتباس وحنا واقفات وقفت سياره ددسن لنا يحسبنا نبي توصيل قال تبن توصيل قلنا لا نبي ندور اخونا ضايع با الحرم قال اركبن وندوره با السياره وان شاء الله راح نلقاه متى فقتدوه قلنا با الساعه الفلانيه قال لا ابد ماعليكن راح نلقاه ان شاء الله

ما شاء الله عليكم .. ما توقعت تطلعوا ..
بس الحمد لله طلع إبن ناس .. وربي أعطاكم على نيتكم .
وساعدكم ..

اقتباس جانا يركض فرحان يتخبط كل شوي اقول راح يطيح

يا عمري .. ياللا الحمد لله ع سلامته .

اقتباس حتى مشوارنا لمكه الغيناه بسبب ها الموقف الصعب

ولا حق الفرحة .. والسهر ..
يا فرحة ما تمت .

بس والله الموقف صعب ما يتنسي ..
والحمد لله ..لقيتوه .


ربي يسعدك ..
استمتعنا بالقصة الحلوه
شاكرة لك من القلب
لقبول الدعوة ..
طاب يومك .





[/align]

احلامك من الفيمتووو
ههههههههههههههههههههه
اسعدك الله انوار الشمال
على الحكايه
والشكر موصول لهايدي المبدعه

ياستار موقف بصراحه صعب بحكم المدينه ومكه كثير خطف الاطفال فيه

لا الحمدالله على سلاامة وليد ونشالله تعووضون الرحله عاد وليد هو الي يديكم انشالله

امتعتينا بالقصه على فكره بارجعه ماطاحن البطانيات ههههههههههههههههههههههههههههههه

يسلموووووووووووووو انوار

أنوار الشمال

(
)

ياعمري عز الله أنكن طيرات شلوى أنتِ وأختك

الحمد لله على سلامته ياقلبي قلبه

والله موقف ماينسى ابد

مشكوره على القصه المؤثره والسرد الرائع

لاهنتِ

ياالله قصة مؤثرة
أصبحت من الذكريات
وعلى فكرة متشكرة على الفيمتووووو<<<لذيذ<<خخخخ<<ماشفنى شيء
تسلم يدينكِ أنوار الشمال

... ســهـــر ..
الله يسلمك يا الغاليه اي والله رجعنا بعد المشوار المتعب بس خذينا خبره خصوصا انها اول سفره كانت لنا
الحمدلله ... اسعدني مرورك الطيب مثلك...