أنا ..........أنا
ساقتل حبك بطريقتى ..........واصبح الجلاد لحبك
واحمل جثته فوق راسى شامخه واطوف به
ساعلن عليه الموت الابدى .........
سأجعل حبك يا سيدي .........رمادا
أنا .............أنا
ساجلد حبك بانواع السياط واعلن عنه المزاد
لم اعد اهواك
ستنتهى احزانى عندما اميتك بين الورق
ساعلن الافراح بحياتى .......
ساعلن الافراح بكلماتى
ساعلن الحداد على حبيبي
بكل الحروف والكلمات سا علنها
ستموت كل الكلمات ويندثر الورد
ساموت انا ببعدك
كيف للقمر أن تكون دموعه خرساء
يقود أوركسترا أحزاننا باكيا
فيذيب بدموعنا لحن الوتر
نفتح على ضوءه صفحات حزننا
سمراء تحادثني
كيف للطائر الحزين يغرد شجن
وكيف لعيناه تنظر لطبيعة البشر
كيف لدمعه تتساقط بزخ المطر
سمراء تحادثني
كيف اغسل القلب بماء النهر
وكيف اغرق همي بعمق البحر
ولزورق الأسى أن يعبر العبر
سمراء تحادثني
كيف نفهم صنف البشر
وكيف بياض الطهر يدنسه العفن
وللعطاء بطيب
القابع على صخره الذكريات تتذكر
كم جمعنا أصداف بنينا بها بيتا
ورمال فرشناها لتسير أحلامنا
كما أنت
ذلك القلب الذى سجنني بين اضلعه
سقاني الحب الأسطوري
فما عدت الحالمة بك
رغم رحيلي عنك
ورغم السنين أجدك هنا
تنتظر طيفي ليعبر أمامك
نسيت كم هي الأقدار تتحكم بنا
وأنني كنت ذاك السراب
الذي عزفت له سيمفونيتك
وعند رحيلي
لم تذرف الدمع
فالرجال لا يبكون
ولكنني رأيت كم سال الدم من بين شفتيك قهرا
كم قطع الزجاج يديك
نعم ليس سهلا
أن تراني أتشبث بيد غيرك
لست اعشقه
فقلبي واحد هو أنت
كفاك ياقلبي جنون ...
فحبيبك ليس حنون ...
تحب وتعشق ... تحن وتشفق
وهو يتفنن بتعذيبك فنون
فأنت تنبض دائما بذكره..
وقلبه لاينبض الا بنسيانك !
فلماذا ترهق نبضاتك ووجدانك .. لماذا ؟
ولماذا لا توقف زحف عاطفتك المتجهة اليه بهذا الشكل الجنوني
لمــــــ؟؟ـــــــاذا ..
كن واقعيا وكف عن التوهم والعيش على آمال المستحيل
فالشوق يكاد يحرقك
والهم يكاد يسرقك
والنتيجة ماذا ؟؟؟!
عذاب وألم وحسرة !
فأنت تسكنه قصورك وتوليه على نفسك
وهو لا يريد ان يسكنك حتى في كوخ صغير في قلبه
فـيا قلبي هذا لا يصح ...
ارجوك لأجلي ولأجلك اتركه
وحاول النسيان ...
فلا تدع الهموم تتراكم ...
والجروح تتفاقم ...
الجنون لا يصح الجنــون ...
فحبيبك ليس بحــــنون
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ
وعيني اللي كل ما ذعذع من الغرب هبوب
يحلا لها لون الغروب اللي يذوب قبالها
ويا ويل حالي كل ما يحلالها لون الغروب
تطري لي الريم اللعوب وسالفة ترحالها
وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
من سافرت ريم الفلا صديت عن كل الدروب
ما هو قصور بالعذارى بس ذيك لحالها
من فارقتني ما خطف قلبي من الحور محبوب
ولا لقيت الجادل اللي تستحق احيالها
لأن القلوب ان ما وفت لأحبابها ما هي قلوب
والعشره اللي ما ترد الروح ما نسعى لها
إما الوفى اللي يستر الرجّال من كل العيوب
والا الجفى اللي يستر عيوب العرب في رجالها
ما اقسى من فراق الجنوب الا فراق اهل الجنوب
ويلي على اللي كل ما تزعل تشد رحالها
اللي مذيره العتب لا شبت بصدري شبوب
عييت اراضيها وهي عيت تطول بالها
كانت معي مثل النصيب يحدني من كل صوب
كانت دروبي من متاهات الظلل لظلالها
كانت هروبي لا شعرت اني بحاجه للهروب
كانت سماي اللي ليا ضاقت علي ألجالها
ليه اتحداني وانا في كل الاحوال مغلوب
ليه حرمتني من قهر عذالي وعذالها
ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها
ما ترحم اللي له سنه كأنه على النار محطوب
ما هزها دمع الفقيد اللي بكته أطلالها
ما خافت تهدم السنين اللي بنتنا طوب..طوب
ما فكرت تشفق على حالي وترحم حالها
قولوا لها لو ما تذوب انا بخليها تذوب
قولوا لها لو ما عنت لي مستعد اعنالها
إليا ادمحت لي هالخطا بدمح لها كل الذنوب
وإن جابت الحسنى معي تبشر بعشر أمثالها
أفرش لها صدري وطن وأجمع لها ضلوعي شعوب
وأرقى لها المكانه اللي ما حد(ن) يرقى لها
إن كاني مخطي فأنا ماني خليّ من العيوب
الذنب يغفر والبشر تجزى بقدر أعمالها
البعد قاسي والفراق يضيق الصدر الرحوب
وانا تعبت ادور الحيله وارد احتالها
قولولها ترجع ترا ماني على الحزن مغصوب
وإلا ترا نذر(ن) علي انه ماهو ب أشوالها
إما تجنب هالهبال وتترك البعد وتتوب
والا بتبشر بالهبال اللي ما هو بهبالها
كافي زعل ترا الظروف مقفله من كل صوب
وأنا حملت من الهموم انواعها واشكالها
يكفيني اني كل ما هبت على صدري هبوب
تحن عيني للجنوب وتلتفت بلحالها
والمشكلة اني كل ما حنت عيوني للجنوب
تطري لي الريم اللعوب وسالفة ترحالها
وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو إنك جيت متأخر ثواني
ماتشوف إلا بقايا من حصاه ومن حديده
من عرفتك وأنت تايه من مواني لي مواني
وتارك ٍ قلبي مولّع من وقيده في وقيده
ضاعت سنيني أحد بهاليالي وتحداني
وأنت ماتشبع غياب ولاتخاف من النقيده
ودي أتحمد لك الله بالسلامه , مامداني
كل ماتوصل برحله ترجع برحله جديده
دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده
كان فيني عيب قلي:فيني العيب الفلاني
كان هرجي مزعلك في شي قلي:لاتعيده
عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟
لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟
أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟
وين حبك للزعل .وين العناد الأولاني ؟
وين حنّية زمان وفرحة العمر الرغيده ؟
وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟
واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده
(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)
ذاك بس اللي يامن جيته يلخبط كياني
اللي بنظره ينشف دم قلبي في وريده
قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده
الف مره قبله أعد القصيده من لساني
ولعنبوه أن جيت عنده قمت أخربط بالقصيده
أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده
من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟
من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟
ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده
أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده
ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده
أبك أنا لي شفت خلّي حط غيري في مكاني
والله إني لتركه وأن صد لعشق سيد سيده
جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده
خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده
أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد
تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده
يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده
شف غيابك وش يسوي بالصدور وبالمباني
وأنت تدري كيف كانت صدمت غيابك شديده
والله أنك لو وصلت البيت متأخر ثواني
مالقيت إلا بقايا
العضو الأكثر نشاطاً هذا اليوم 
العرض المتطور
