[gdwl]في تماسيح ياجماعة الخير ماخذي بأنفسهم مقلب يعني رايحين فيها
وبدون ما نظلم تمساح ونفضل واحد على الثاني حبيت بس انقل لكم بعض من
أنواع التماسيح على الماسنجر وهم كثار
وإعدادهم فاقت كل التوقعات وكل الافتراضات
اللي حطوها منظمة ( البنات أحلى وغيرهم يبلى [/gdwl])
ما أطول عليكم أول نوع:
1- التمساح المستخف:
هذا الله يعينك عليه لو انك أضفتيه عندك مثل الجني ليل على نهار موجود
وتوعامله تسجيل دخول نط لك كأنه قطوة
وكلامه ما يخلص كل ما تبي تكتبي شيء كلمك عن شيء ثاني
ما يعطيك وقت تتنفسين يعني( ماعندة وقت )
2- التمساح الثرثار :
هذا لو أضفتيه يعني جنيتي على نفسك
يوووووه كلامه ما يخلص رحت السوق الفلاني
وبنت شافتني أعجبت فيني ، ضحكتلي ،
طلبتني الرقم ، بس أنا ما أعطيتها وجه
والأخ في الله مأخذ مقلب كبيييييييييير في نفسه
3- التمساح المغرور:
اما هذا عايش في كوكب ثاني بروحه ومن كلامه ،، بنت خالتي تحبني ،
أنا أحلى ولد في العايلة ، أنا وحيد ماما وبابا ، <<<يااي
أنا راح أسافر في الويك أند لبنان ( قووية هذي الويك أند)
وبنت عمي خطبتها واهيه رفضت ولكن اهيه الندمانه
والوالد جبرني عليها وأنا ما ابيها
وأنتي يالمسكينة دماغك انتفخ من هالهرج وهذا لما تعملي تسجيل دخول
يتركك نص ساعة وبعدين يقلك (هاي .. وينك ..توك داخلة ؟؟ تصدقين اني ما شفتك )
وهاتك يا هرج ............
4- التمساح الجدِّي:
هذا يخليك تعتزلين النت بكامله هرجوا هو و كلامه ما يتغير
ويكلمك عن قصة زواجه الفاشلة ومديره في العمل
وانه إنسان مضطهد
وإنسان كتوم وإنسان متفاني وانتي اللي اخرجتيه من وحدته
<<<أوومـــآآآ
تنامين وتقومين وهو للحين يتكلم في نفس الموضوع
5- التمساح العربجي:
هذا تموتين ولا تفهمين من كلامه شيء
إلا لو كنتي بنت حواري عاد ساعتها وافق شن طبقه هو يتكلم بجد
في بعض كلامه يضحك
لكنه سوسة مثله مثل غيره من التماسيح يشتمك وانتي تضحكيله <<<<وربي إنك دبشه
6- التمساح الطفولي:
لو تكلمين بيبي كان أرحم لك من انك تكلمينه
كل ما تقولين له كلمة يزعل ويقول للماما وعلى طول بلوك وديليت
ويقولك كل كبيرة وصغيرة
في حياته كأنك أمه وانتي ما تدرين
7- التمساح الرومانسي
هذا الله يعين كتفه اليسار من كثر الكذب وتفليت الكلام الفاضي
وكلماته معروفه وقاموسه واحد ومعروف
(عمري وينك) و (قلبي واحشاني موت) و (حبيبتي)
و (يا بعد هلي وطوايفي) ولو مزحتي معاه واعطيته وجه (اموووووت انا)
و (عسل والله عسل)
ان شاء الله أكون عطيت عنهم نبذه حسنه
على الفرفشه
العرض العادي
