خَلّوه .. يَجْرَحْنِي و يِرتـاح .. خَلّـوه

خَلّوه .. يَجْرَحْنِي و يِرتـاح .. خَلّـوه


يِبُوح .. باشْيَاء ٍ .. قديمَـهْ .. كتمْهـا


لا مَاعَلى .. طَعْنات يَدّيـه .. مَشْـروه


أسْتاهل الطّعْنَهْ .. واجِي .. و اغْتنمْها


قُولوا لهْ انّي قلْت يانـاس ..عانُـوه


ذا .. قَلْبَهْ الغالي.. وروحِـي حَكمْهـا


هُو منْ كسَبْني يـوم غيـرَهْ تَحَـدّوه


لو كنْت ( ديرَهْ ) كان قلْبَهْ.. ( عَلمْها )


مَاغرّني غيـرَهْ ولا الْغيـر .. غَـرّوه


لكنْ مباني الحـبْ .. حَظّـي هَدَمْهـا


في حفْرَة الضّيقَهْ .. اذا طاح.. شلّـوه


هُو منْ حَيَاتِي .. بالسّعـادَهْ رسَمْهـا


طلْتَهْ ولا غيري من النّاس .. طَالـوه


لَهْ هيبة ٍ .. عنّ جدْ.. انـا أحْترمْهـا


بَقول يَاقلْـب ٍ نفَـعْ نَـاس .. بَاعـوه


زمنْ نفَعْ نَاس ٍ .. و نَاس ٍ .. ظَلمْهـا


بَرْحَل عنْ ديَارَهْ .. وفالقَلب .. انْسـوه


متْدَفّـي بنَـار ٍ..فُراقَـهْ فَحمْـهـا


مَجْبُور أجَافِي .. بَسّ وصّوه .. وصّوه


يَذكرْ لِيالـي .. حبّنـا .. ويْحشمْهـا


مَاجَاه مِنّي.. أيْ غَلْطَـهْ .. ومَكْـرُوه


راح بشموخَهْ.. والمَحَبّه ..حَسمْهـا


خَلّوه يَنْسانـي .. ويِرْتـاح .. خَلّـوه


مَادامَها .. فَرْقا .. ورَبّـي.. قسَمْهـا




ممآ لامس احساسي المجرروح

[align=left]
صح لساان شاعرها ،، وتسلم يمينك ع النقل الرائع

لاهنتي اختي ع الابدااع
[/align]

نوض
تسلمين ع المرور الذوق

نائبة القمر

سلامة أحساسك ترى الدنيا ماتسوى ;)

صح الله لسان شاعرها وسلمت يمينك ع النقل ..

تقديري لكـ.

غريبة الرووح

تسلمين يالغاليهـ
الله يصبر احساسي بس

سلمت يمينك ع النقل

والذوق الحلووووو
تحياتي

روورو

تسلم والله ع المرور

سلامات احساسك يا الغلا

قالتها غريبة الروح الدنيا ما تسوى وربي

لاهنتي ع الاختيار ..

الحل الصعب

الله ياخذ احساسي وافتـــك

تسلمين ع المرور

[align=right]مَاجَاه مِنّي.. أيْ غَلْطَـهْ .. ومَكْـرُوه


راح بشموخَهْ.. والمَحَبّه ..حَسمْهـا


خَلّوه يَنْسانـي .. ويِرْتـاح .. خَلّـوه


مَادامَها .. فَرْقا .. ورَبّـي.. قسَمْهـا
[/align]


ياسلام عليك وعلى اختيارك
روووووووعة مررررره
سلمتي ودمتي

قصيده مؤثره بجد

وسلامة احساسك ياقلبي

يعطيك العافيه

نور الدنيــا

وربي مرورك الرووعهـ يالغلا

يسويها البخت
الله يسلم قلبك يالغاليهـ

تسلمين ع المرور

شمري حايل
يعافيك ربي