صدريـ ملاذكـ والوطنـ ......

بسم الله الرحمن الرحيم
’,



صباح الشعر والعطر ومساء المسك والكادي

بدايةً كلمة شكر

لكل شعراء منتدى بعد حيي فأنتم مدرسون وما انا إلا طالب يجتهد ويحلم
بأن يرتقي لمستواكم الشعري

وكلمة شكر لمن رسم رده ونثر عطره
وجبر كسر حروفي بتشريفه



ياهاجِـر القلب الذي ضمّك بأحضـانه [تعــال]
ودّي تسامر ليلتـي .. ملّيـت من جـور السنيــن

شفني ســريـت بـ حيـرتي .. أسـامــر همـوم الجـبــال
حتى الجـبــال همـومهـا فــاضــــت ويملاها الحنيــن

ملّيت أقــــول اني جفيــت .../ والحـب فيني لايَـزَال
ملّيت أقــــول اني نسيــت ... / والشوق فيني له ونيـن

هـمّـي تزايد .. والدّمِع قطّـر على خدّي و ســال
والجَـرح ساكن خافقـي .. شفني ترى حالي حزيــن

كِـل من يناظـر دمعتي يرسم على وجهه ســؤال !!!
وش فيها مـاليها الحزن ، ليه الأَلَم فيها دفيــن ؟!!

حتى الطِــفـل ياهاجري ميّل على أمــه وقــــال :
[ياماما يمكن عِينَها فيها وجع .. شـوفيـهـا زين!]

كِـل الأوادم يـا 'بــــدر' حنّت على حــالـي العضــال
إلا انت عنّي ماسَأَلْت !..! وش فيه قلبك مايليــن ؟!!







الأبيات السابقة .. كانت لسان حـالـي 'أنـا'

أما الأبيات التي بين أيديكم الآن فـ هي لسان حالهـ 'هــو'





أتمنى أن ترتـقـي إلى ذائـقـتـكـمـ




وش فيه قلبك مايلين!! من جِدّك انتِ ذا سـؤال ؟
لو كــان غيرك قــالها .. وطّيـت قَدْره بكلمتيـن

لكـن بســـامح زلّـتــك .. لأن قَــدْرك لايـــزال
ســاكن عــروقـي كلّــها ماظـنّـــي انــك تجهليـن

طفلة تســابق ظلّها .. تِصْرَخ تنــادي لي 'تعـال'
تعـالـي انتِ وارحمي |قلبٍ| دُواهـ إنّــك تـجـيـن

تعـالـي انتِ واتركـي عَـنْــك التـغـلّـي والـدلال
والله ماقبلك أحد .. أعطيته اللي تـاخذيـن

زَرَعتك بداخــل حشـاي .. أسقيتِك العذب الزلال
أَرْويت قلبك من هــواي .. أعطيك لو مـاتطلبيـن

يابنت .. لو عنّك بعدْت ، مايَعني إن القلب مـال
ليه بسهولة 'تنثري' كل ماجمعنـاه بسنيــن !!

شوفي ملامِح 'عاشقك' أضناهـ شوقه للوصـال
يطمَح يداعب مَبْسمِـك .. يعزِف على هالوجنتيـن

ودّهـ يسـامر ليلتك .. مايتركـك لَـو بَـه مجــال
ودّهـ يترجم لك غلاك .. ودّهـ يبــادلك الحنيــن

يا|وردة القلب| الذي ضمّك بأحضانه وقال:
[صدري ملاذِك والوطن] ../ كيف بغرامه تشككيــن !!

هي كلمة وحدهـ يا|غمزة| بقولها وانهي الجِــدال
'حُـبـك' وقـود لدنيتي .. من دونك أفنى ، تفهميـن ؟!



انتظر ردودكمـ

تحياتيـ
غمزة دلع