محمد
ياتل قلـــبي تلت الجـــيب بثــنيــــــن
ليا تله الســــــــواق برض الغرازه
على اللذي قفت ولادري على وين
من عـــقبها غديـــــت مثل الجنازه
حبه بقلبي ســــايرن بالشــــرايين
مركـــزن حبــــــه بقلبي ركـــــازه
من عقبها والحال غاديـــبه البين
القلــــب من بد الغـــــنادير حـازه
كيبورديه
النايفه
دنياك يامحمد بها الشين والزين
المستريح الي خذاهـــا اجـــــازه
يقضيها بين البر والا البساتين
يمشي بها ولا يشتكي اي عازه
البال فاضي ماشتكى هم اودين
كل ماتضايق جددوا له جوازه
لاحب ولا عله ونوم على بين
ويقضي حياته خايفن ابتزازه
ودمتم بوود
محمد
يانايفـــــــه عمري قضى بين ناريــــن
وقلبي من الـــي جــــــاه حرقت فيـــازه
اهل الهوى يابـــنــت دايـــــــم مساكين
اقلوبهم بالـــــــحب مـــثــــل الـــقزازه
اضحك وقلــــــبي ينطعن بــــالسكاكين
اخــــاف هرجـــــات القفى والمـــــازه
الي يبـــي تفــريق شمل الـــــــمـحبين
عــــفــــنن خبـــيث النفـس هذا طرازه
كيبورديه
هنا اردت اختبر الشاعره بقافيه صعبه ولكن ولكن انقلب السحر على الساحر فهي بحق شاعره ومتمكنه وقد وجهت
لها دعوه هنا وسوف تحضر باقرب وقت ممكن واتركم مع القصيده
محمد
يانايفه قـلبي تقل شـبــبـــه ليـــث
والوقت في وجهي مبين عباثـــه
يالله تعالي وضغطي زر تحديــث
الزرع مايــنــبـــت بليا حراثــــه
عبـــث بقـــلبي عابث الهم تعـبيث
سبت نفوسن ماليتهــــا الخباثـــه
ناسن توز النار خســـه وتــعبيث
ودرب الردى متوارثينه وراثــه
يفرح اليا من شاف بالجو تلويث
خبيث نفس وما بقلــبه دمــــاثــه
كيبورديه
قصدت في زر التحديث هنا f5 بالجهاز اي ان الرد يكون عبر المتصفح
حتى يكون الجهاز سريع
للتوضيح فقط
النايفه
ابشــــر بعزك لاتــــــضايقت يالليث
انا لها لاصـــار بالــــقوم عـــــــاثه
حنــــا بشــــر ماينـــفعن زر تحديث
لكــن غــــبار الوق،،،ت فينا تحاثه
والشاطر الي ينـــفضه عنه ويحيث
ويترك هــــــل الخبال واهل النكاثه
اللي مماشيــــهم دروب التنـــاكيث
ومحشوم عنهم لسنهم في لهـــاثه
ارفع بساسك عن مماشي مخابيث
وساسن عريبن ماشتكى من لواثه
بيت الردى كنه على جرفة حــريث
اخف ريحــــــن هزته ويتعــــــــاثه
محمد
يامرحــــربا ترحيبت البـــدو بالغيــــث
بالولــــه والثــــــــــانـــــيه والــــثلاثه
من شاعرن ماجاب قـــافه تنــــاكيـــث
ماجاب قيفانـــــــــه بخبص ونـــــــكاثه
ابنت الـــذي يـــشفي قلـوب المغــاليث
النايفه نافــــت بــــــــعز ودماثــــــــــه
اتســــخرين القـــــاف لوهو على ايث
اصـــعب قواف الشــــعر اخره اثـــــه
ماشاء الله عليك العين عليكي بارده عز الله انك شاعره وجزله
ولا تستسلمين برغم ان القافيه هذه اصعب القوافي من تجربتي بالقصيد حاورت بها شعراء كبار
ولم يستمرو طويلا
والان الكره بملعبك ان اردتي ولكن افضل قافيه جديده احسن ماتورط ههههههه
دمتي شامخه
كـــل الود شاعرتنا النايفه وبانتضارك
ولكن لم تستسلم وواصلت بل استسلمت انا الاعتراف بالحق فضيله
النايفه
[color="magenta"][size="5"]حياك يامحمد وقـــــــافك تكاريـــث
حيرت به شعري بجـــــــدل وحثاثه
نوب اوديــها قـــــوافـــــي بتانيث
ونوب اعــودها بــــــقاف الحداثه
ابلشتني يالوايـــــلي بقافية ايــث
وازرت جنوني تشتكي بانــغـلاثه
الشعر فيني جن ماهو بتـــوريث
شيطان شعري يشتكي من ثلاثه
الاوله بالي شكى من تغـــــاثيث
والثانيه نطلب من الله اغـــــاثه
واالثالثه ياخوك كثر التعــــابيث
وارفع بنفسي عن دروبن اللواثه
ودمتم بود
النايفه
هات ماعندك يامحمد الليله زان جو القصيد
تدري وش اصعب شي؟لاصرت واثق
ثمن تشوف خيانتك شوف عينك!
اوصف شعورك لي اذا كنت صادق
لاشفت اغلى الناس عندك يهينك!!
تسكت وهمك داخل الروح حارق؟
وعلى جروحك جعل ربي يعينك!!!
والا تواجه وتنطق تقول فارق؟؟
وتفضح غرامن ضاع باحلى سنينك؟؟
سميتني روحك اثاريك سارق؟؟
سرقتني وتخون ياقووو عينـــــــــــك!!!!!
وبانتظار ردك شاعرنا محمد
محمد
قيفان فكري وسط راســي تصافـــق
حـــضرتهن يانـــايفه لـــجل عــــينك
مجنون قاف القاف عــــندي تدافـق
مـــــادام صــــار الرد بيني وبيــــنك
الحـــب اكــبر شــــرط فيه التوافق
والحـــب اما تـــدان ولا يـــدينـــــك
اهل الهوى مابين صافق وصافق
يابنت بدرب الحب ويني وينـــــــك
الحـــب صار اليـــوم كله مـلافـق
لاقال احـــــبك عنه خوذي يمينك
الحـــب هم وغــــم وجروح خافق
وقلبي ياقلبي ماحيا من يهينـــــك
وهنا تدخل احد الشعراء وقد وجه لي قصيده وهو الشاعر الاخ حمدان الرويلي
أنا أليـّا منه طوى البال هوجاس
بالقاف أنا أرويلك ترى ألف قصّه
عسر القوافي لصاحبك تخضع الراس
بيدي..وحِيلها لي بها ألف رصّه
وإلا أنت عندي لك معزّه بلا قياس
وإلا الشعر منك أروع حروف نصّه
حرفك ذهب لولو..ومقرون بألماس
يليق بك..وإلا الغلا فيك أخصّه
غالي وزادك بالغلا طيب وإحساس
والذيب مثلك ما ذِكر قِيل وصّه
محمد
اهلا هلا وعـــداد ماهـــب نــسناس
وعــــداد ماتومي بالــرداف حــصه
حمـــدان يامـــشكاي لاباس لاباس
ردي عليك يجيك مـضمون نـــصه
من بحر شعري ماله حدود وقياس
الشعر فيني جن وعرف مخصــــه
اسخر القيفان مــن مـــاكر الراس
القاف لو يصــعب علينا نـــرصــه
الفكر للقيفان صايربه عمــــاس
ومكوك شعري جاهزن بالمنصه
نعم بكم ياعزوتي طيب الساس
خاتم ذهب شعرك والماس فصه
وختامها صلو عل هادي الناس
بحمل الرساله والي الكون خصه
كيبورديه
محمد
قــــلبي يفـــــر وفــــر وفتـر فرات
يفر فر السير وســـــــــــط المكينه
اسيور جمس مصدر من الولايات
ايـــســـوقه الي ناويـــــن للمدينه
ياقــــلب لاتــــندم على فايتن فات
الي تبي ياقــــلب ويـــنك وينـــــه
قفو به الي يقطعون المســـافات
وخلوني بدنيا القـــــهر والغبينه
النايفه
قلبي يون ويتبع الون صيحاات
كنه ونين اللي شبع من سنينه
عودن كبير ووراح عمره بحسرات
وبدت تخاريف السنين بانينه
نوب يلالي ونوب يسج بسكات
عندك خبر حال المخاريف شينه
وحالي كما حاله مابه فروقات
على زمانن صرت وسطه سجينه
يالوايلي لاتشتكي كل مافات
ولاتحسب ان الحب بنتن حسينه
تحب من قلبك والناس تسلات
ماجربوا وقلوبهم ذي دفينه
الحب معهم لعب وتضييع لاوقات
وعاشوا زمنهم للمصالح رهينه
محمد
الحــب دربه هم وحــــزان واهــات
ولــــي وقــــع بالـــحب لله يعيـــــنه
وياكثر ماجـــريت بالــــيل ونــــات
وقلبي من الـــي جاه يجذب ونيـــه
يالنايفـــه قلبي جروحه عــطيبات
مستفحله وسط الحشى مستكيته
من حبها يابنت بوجــهي علامات
وقلبي عــــلا الي جاة ربي يعينه
كني سجيــــن وحط بيده كلبشات
وفي كل قولن قـــــال قوله يدينه
ولا مــــريض ولا لقيله علاجات
يشوف موته حاضرن قدم عينه
يالنايفه خطيت لك بعض الابيات
من واحدن والنوم ماذاق عينه
كيبورديه علا عجاله
وهناوضعت للنايفه وبطلب منها ابيات تعجيزيه وكتبت هذه الابيات بدون نقط
هـــلا هــــلا عد الحصى !!!!!!!!مــــال الــــهوى الا الــهوى
همك سرى وماحد درى !!!!!!!!احســــاس لـــك كلـــه ورود
عمر الآلم ماله حــدود !!!!!!!!هم وســــهر مالــــــه عهود
العود هو اصل الـورود !!!!!!!! دار.. الــــمــــــدار ولا درى
العام هو عام الـسرور !!!!!!! اهــــلا هـــــلا احلا مــــرور
رد الــردور رد الردوو !!!!!!! وهـــــل الـــمطر معه هوى
ولكن لم تستسلم حتى هنا اعجني اصرارها على المتابعه حتى اعطيت لقب شاعره بامتياز من ادارة المنتدى
النايفه
تسلم اخوي محمد على وقفاتك معي وهالابيات مني للك وعساني انجح باختبار المقدره الشعريه وبانتظار تقييم غناتي
هلا هلا علو السماء....لاهل الكرم اهل الحمى
همك على همه سوى.....المال والراس مهدود
عهد وولاءلاهل الوعود....عسى الالم معك معدود
الورد ساسك له عهوود....احلى وردود لاحلى الملى
عسى محمد للسرور.....وساسه على كل العصور
الرد وصله هالسطور....ودوم المطر كله حلى
وتستاهلها يامحمد ابيات اتعبتني بس لشخص يستاهلهااا واتمنى تنال اعجابك
محمد
يا ســعودي افــــتخر انك ســــعودي !!! وشمخ بهامتك من فـوق النجوم
حـــدنا يابنت مـن دونــــــــه اسودي !!! الحرار تهد ماتخشى الرخــــــوم
عهدنا معروف من عصر الجدودي !!! بالشجاعه والسطر بالراس دوم
زغرتن يالبيض وهنن بالــرقودي !!! دام جيش المملكه فوق الحزوم
جيــــشنا ضـــباط وفراد وجنودي !!! مرابــــطين وجاهــــــزينن للزوم
النايفه
جيشنا صامد وافراده فهوودي .....من يعاندنا نكسر له خشووم
هيه ياحوثي يانسل القرودي.....لاتناطح سيد سيدك لاتقوووم
اعقل وخللك فهيمن يالحسودي...من يناطحناا ولا يعرف يعوووم
حنا جيش مانهاب من اللحودي....واردين الموت في كل العموم
ماهو مثللك هايبن وقت الهدودي....حنا لاهدينا نصيب الزقووم
النايفه
الليل رووح وانت لاهي مع الغير.....وانا انتظر منك تمر وتجيني
لو حسايف وقفتي باول عصير......وانت تناسى موعدي مع انيني
مدري تغلى والا هذي مقادير.......والا الحظوظ المايله ترتجيني
محمد
يالله تحييها وجعـــــله مسا خير !!!!!! شين علي غصبن ولا هو بيديني
انتي السماء ونا بها كني الطير !!!!!! ونتي عروق القلب يانور عيني
حبي لكم حــــب الاخوه ولا غير !!!!!! اخاف ناســن بالغلط يفــــهموني
النايفه
معذور يامحمد وجعله مسافيرر.......ودامه غصب ابا اعذرك ياضنيني
لاشفت اسمك بي تحل التباشير......وعسى الغلا بالدوم بينك وبينـــــــــي
ماقد حسبت حساب الا للكبير.....ربي وعالم بالخفا في كنينـــــــــــــــــي
محمد
يفداك قلبن به مــــعزه وتقــدير !!!!! ويفداك بلي باقين من سنيـــتي
المعذره يابنت ون جاك تقصير !!!!! لاتواخذين الي بهمه ســجـــيني
هموم حالي واقفاتن طوابيــــر !!!!! وكن الهموم بصحوتي تحتريني
النايفه
يفداك راسي ياغناتي ولك يصير......حالي وكل ماملكه في يديني
عزالله انك وافين دون تقصير......وادفن همومك كلها وسط عيني
3
اكتفي بهذا القدر واتمنى ان يحوز على رضاكم وعذروني لى الاطاله رغم اني اختصرت جمع الردوه بقصيده واحده
العرض العادي
