آواه من رمش عينً غط للنومي

اخواني اخواتي اضع بين ايديكم هذه المتواضعه وهي مرسلة
عسى أن ترتقي لذائقتكم وهي بسبب الغربة والبعدعن الأهل
في ديار يختلف فيها طبع الناس ولغتهم وعاداتهم اترككم مع
القـــــــــــــصيدة وهي مرسلة للاخ العزيز الشاعر
عقاب بن سقيان العتيبي وسوف اورد الرد


[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آواه من رمش عينً غط للنومي=والقلب دون الهموم يغلق ابوابه
والغير للسهيل مرقب والسهر دومي=لاهجع الخلق صوت النود هبابه
يجيني الهاجس الي مكثر الحومي=أجول بنظار كني في وحش غابة
ولا كما تايهً والفكر منجومي=تساوت الأرض عنده دربه اخطابه
هذاك حال الذي فاقد له قرومي=رفيق وعيال عم وقربة أقرابه
غريب في دار نازل كثرة همومي=مغير أعد الزمان وأحسب حسابه
الناس فيها تخالف طبع وسلومي=لولاية اصبر لهج بليل يسرابه
ألفيك ياعقاب وهذي جملة علومي=والرد منك الدواء للجرح وطبابه
[/poem]
الـــــــــــــــــرد للشاعر / عقاب بن سقيان العتيبي

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا لذيب السرب خطية مرسومي=تحيةً تنتسب في منسب عتيبه
إن كان تشكي الهواء ياذيب لالومي=نصف البشر من هواء الترفات منصابه
بع واشتري بحبهن لو تفرق السومي=ما فالهواء عيب سلم الناس من عابه
العيب حب الهتيت ارواه وجسومي=نصابةً كالهلل تنصب لنصابة
وإن كان تشكي الزمان الوقت مغنومي=الدرب كم سايرً به والبطاء جابه
بالصبر والجد زحنا الفرس والرومي=دنياك هذي لبو قلبين كذابه
إن باعتك بيعها لو تأكل إندومي=ما تبكي ألا ضعيف يقلب ثيابه
شتها برجلك تجيك معوده تومي=تشوم لك شوم عن مليون خطابه
خيمة وجيب قديم رفرفه يومي= اخير من قصر دينً راهنً بابه
يانسل من يكرم الضيفان ويصومي=السيف ما هز لله غير بنصابه
سيور الأيام كوم وحالنا كومي= مركب حجيجً هجيجً تضرس اخشابه
[/poem]