انتفــــــاضــة !!!!

تكذبين ما تخيرتك حبيبه
أو غزلت الشوق
بخيوطك حزين
أو حضنتك في شعوري
أو تعبت أرضيك
وأتعبت السنين
إنت ِ شي
غامض غريب
من عيونك
أنتفض كلي حنين

* * *

إنت ِ حبيبه
لا
إنت ِ أكبر
إنت ِ شوقي
لا
إنتي أكثر
إنت ِ أعذب من سكنّي
إنت ِ سكّر
إنت ِ ملح الوقت كله
فيك طعم الحب
خنجر
إنت ِ شي
غامض غريب
من عيونك أنتفض
كلي حنين

* * *

منهو إنت ِ ؟؟!
في عيوني
حب ضعتي
في عروقي
شوق ذبتي
من جنونك
استحليتي خيالي
وين ما سافر شعوري
في شعوري

غصب كنتي
آه يا أكذب حقيقه
علميني منهو إنت ِ
إنت ِ شي
غامض غريب
من عيونك أنتفض
كلي حنين



إيه أحبك, لا تلومي شعور عاشق
ما قضى عمره سوى انه يحتريك

عَانَق الغيمه ../ وإحساسه مفارق
خوف من بعدك , أو إنه يرتجيك

أجوبه,../ بعد السؤال اللي تعَنَاق
مَعْ فكر طيفك ./وفكري مهتويك

شوفي مغرب عمرنا يمّ المشارق
وأطوي اليأس المبيّن ..لا يجيك

وأكتبيني شاعر ٍف الحب غارق
همه الأول ... وجوده في يديك

لا توارين الأمل والحزن شاهق
في شرايين الوله / مالك شريك

رَعْد قلبي ./ ينتظر بشفاك بارق
لا تردينه ....... وهو تايه يبيك

البلا .../ ماهو إذا عندك بيارق
البلا ... لو طاح بيرق مشتريك

دمعة ٍ عذرا على مسروق سارق
سارق ٍ درب الغلا/ مسروق فيك

الله أعلم ...../ لو تلّفين المناطق
ما لقيتي .... منهو مثلي يحتويك




ياكثر من يشبهك ..
في تقاطيع ..
الكلام ..
في تقاطيع ..
العطاء ..
بس ..
ماحد ٍ يشبهك ..
في تقاطيع ..
الغرام ..
وفي تقاطيع ..
الوفاء ..
مجلسك ..
غير المجالس ..
لك طعم ..
ماذقت مثله
في سوالف ..
أو لقاء ..

...........

بس سولفوا لي ..
عن مشاعرهم كثير ..
ورسموا الحلم
الكبير ..!!
ما أذكر اعداد ..
اللي مرن !!!
في جروحي ..
ما ستمرن
حاولن ..
عزف المشاعر
عزفك
انت غير
مجلسك ..
غير المجالس ..
لك طعم ..
ماذقت مثله
في سوالف ..
أو لقاء ..

...........

أنتي لهفه ..
أنتي شوق
أنتي ثورة حب صادق
وأنتفاضه في العروق
انتي ملح الحب كله
انتي شي ..
يعجبني ظله ..
انتي جرح ٍ
جاء .. محله ..
صدقيني ..
انتي ذوق ..!!
مجلسك ..
غير المجالس ..
لك طعم ..
ماذقت مثله
في سوالف ..

أو لقاء..


مما رأق لي ولامس احساسي
اتمنى ان ترتقي لسمو ذائقتكم