حلم

السلام عليكم ..
ياشيخ انا حلمت اني اسلم على ناس كثار من جماعتنا وبعضهم اضمهم كنت اسلم بحرااره..

بعدها كأن الحلم انقطع ..وشفت اني امشي في بحر مع ثنتين من صديقاتي ...والبحر كأنه مسبح ,. تحته صبه اسمنت
وجنبه جدار اقصر مني وعريض وورا ههالجدار اشجار خضراا منظرها حلوو...ونهاية البحرر مسدود بجدار اسمنت طويل وفيه درج
اول ماشفت الدرج كان كبير مره وصعب الرقي عليه
والبحرمو غويط مره .. يعني يغطي جزء من الساق ..
كنا نمشي فيه_ انا كنت ع الطرف بجنب الجدار الصغير العريض والبحر يغطي جزء بسيط من رجولي , وكنت بين لحظه ولحظه اتمسك بالجدار أو استند عليه ..
وكنت مرتفعه شوي عن صديقاتي لأني كنت امشي ع الطرف وعلى عتبه اسمنت كأني مو حابه البحر يغطي رجولي ..
اما صديقاتي فكان البحر يغطي اغلب الساق وكانن جنبي .. قريبات مني نمشي بسطر واحد بس ما التفت لهن ابد
فجأه طلعت بوجهي حيه من الجدار اللي استند عليه كأنها ناويه تضرني طلعت لسانها احمر ..وخفت شوي ..وملت لصديقتي اللي جنبي>> لاني كنت مرتفعه عنها شوي
اضطريت اميل عشان اتمسك فيها رغم اني زعلانه منها ..
ولما شافتني الحيه ماسكه صديقتي ..رآحت
بعدها تذكرت اني زعلانه من صديقتي وتركتها وكملت نفس طريقي الاول فوق العتبه واحيانا تنزل رجلي وانا احاول قد ما اقدر ان البحر مايغطي رجولي
وكملنا طريق وصديقاتي بجنبي ليما وصلنا النهايه وبداء يخف البحر ليما صار زي بداية الشاطي ..ووصلنا للجدار الطويل اللي فيه درج..
بس ماطلع مثل ماكنت اشوفه اول مره ...طويل بس الصعود عليه سهل
صعدت انا اول وحده وصديقاتي وراي
وبعدها صديقتي الثانيه صارت تمشي جنبي..وانا اتكلم معها عن الناس اللي سلمت عليهم ..ولا ردت .ليما وصلنا نهاية الدرج ..راحت صديقتي لدورة المياه وانا بقيت برااا
وصديقتي اللي تمسكت فيها لما طلعت بوجهي الحيه كانت وراي ولا شفتها ..وانتهى الحلم

افدني في رؤيااي جزاك الله خير ...........................مع العلم انه صار بيني وبين صديقاتي سؤ تفاهم واللحين تركنا بعض وحتى السلام مايسلمون ..