ابتديتك مشاعر وانتهينا بقايا=حلم شتت حياتي فى غيابك يجينى
اتأمل ملامح صورتك بالزوايا=وين ماقمت اناظر شفت وجهك بعينى
سيد الغيد يجرح حب وسط الحنايا=مايطفى حنينه برد جرد السنينى
قايد الريم وينك سيد كل الصبايا=مالك القلب كله ماوجد لك وزينى
بستحث المشاعر وانتخي بالطنايا=ومن تعزوى بربعه لعين موضى الجبينى
والقبايل جميعه قايدين السرايا=ومن هو وقت الملاقا سن سيف ٍ سنينى
يفزعون بغلانا يجمعونك معايا=بكل وسيله يدينك تحتضنها يدينى
دمعتين بعيونى بينن للخفايا=وقفن بالمحاجر بان عشق ٍ دفينى
من لمح وجه شاحب صورته بالمرايا=مثل حالى مفارق بالغلا له ضنينى
علموها بأنى من حساب الضحايا=التوجد حليفي والسهر والحنينى
وعلموها بأنه جرم قتل البرايا=ناتج الموت واحد لو بكف ٍ حسينى
وعلموها بأنه صار مظلم سمايا=يرتجى الوصل منها كل لحظه يحينى
يابس الريق مثلك من هو يروى ضمايا=ضامى الوصل قاله من حنانك عطينى
بارتجى الوصل منك بامر معطى العطايا=لايطول غيابك طالبك ترحميني