الا ياليل ماتريح .. خاطري المنزوح
تمر اشياء في .. صدري وخاطري وده
’
تسليني على ذكره وانا اللي مابقالي روح
ولامني وصلت الدمع احد الشوق والده
’
يتعبني سهر ليلك ويتعبني حمام الدوح
وانا من شوفت الغالي غدالي بالبطى مده
اكابر والكبر فيني غدى من غيبة مجروح
اكابر والامل فيني عسااه يبين الرده ..
’
وليفي لو درى عني وانا اخفي كثير البوح
كثير اشياء في عيني تبين خافي الصده ..
’
خفت عيني كثير اوجاع لكن دمعها مفضوح
الا يالليل لك عاشق كشف لك خافي بسده ..