مصافحه اولى غزلية بعنوان اماني + صوتية

بسم الله الرحمن الرحيم
السلام عليكم ورحمة الله وبركاته
وُجهت لي الدعوة من الشاعر الزميل عمر عبد المحسن للمشاركة في هذا الصرح وللأمانة
هذه القصيدة هي اول مشاركة لي في المنتديات عسى ان تكون خطوة اولى الى قلوبكم
وان يكون هذا المنتدى بداية خير وبركة لي وللجميع.
اترككم مع القصيدة..

[poem=font="Traditional Arabic,6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياهم لو تبعد عن البال لحظات=ماكنت افرط في غزلها ثواني
اللي..ليا طلت تغيب المجرات=واللي..سوالفها تغيض الاغاني
العطر لا رشت حضن عنقه وبات=كنّه يقول انتي عطر يا اماني
والمـيّ لا شربت وثم صار قطرات=على شفايفها..تضيع المعاني
فستانها مبسوط,,ويقول هيهات=للي يفكّر بس ياخذ مكاني
قد شفتها تاخذ من الطفل بوسات=منظر تمنيته من سنين جاني
مدري اطالع وآتمتع على سكات=والا اغير شويّ واصبح اناني
لو تشتهي تاكل من التوت حبات=جاه العنب غيران فوق الصواني
ولو تمشي بدربٍ طويل المسافات=جتها من اللهفه حدود المباني
ولو شافها عودٍ عليه الغزل فات=عوّد غرير وفاقدٍ له حناني
متميزة وتجيد لكنة ولهجات=مره شمالي او كويتي عماني
مره تقول شنوح مابوه مقاسات=ومره تقول امبيه وش كثر اعاني
واحيان ترمس رمس اهل الامارات=وتقول وا بويه فديت العياني
ماله شبيهٍ يشبهه زين وصفات=الا لها وبآقول ماني جباني
تشبه حليمه بس في بعض لمحات=والله حليمه تصير حسبة فواني
في وصفها الشعار تبلش ليا جات=لنه محيط اوصاف ماله مواني
ياهم شفك ابعدت عن لذة الذات=وشوف الوصوف اللي وصفت بثواني
[/poem]

تحياتي للجميع اخوكم: سـالم الشمري