كل زفره فيك تجَرح لانسمي= بين أه او/هم وبعدك والعذاب
كني الضامي وعثرات اقدمي=عن وصولك زاول الروح اكتئاب
انتي عن عالم معالم معلمي=أيه اشوفك غير وغيرك كالسراب
جيت لك واضح وابي لى تفهمي=مانويت اسأل ابي منك الجواب
مايصوغ الفكر ولاخط اقلمي=من مشاعر شاعرك قال الصواب
الا بك يامن لقلبي تحكمي= حكم من قاد السرايا مايهاب
يتعب الخافق وبك فورة دمي=لانك العنوان وشعري بك كتاب
عذبيني واطعنيني وارسمي= كيفها حالى وانا عندك مصاب
كني المكسور وناتجها رمي =هو أنا هذا اذا طال الغياب
للوسم فرحه ومثلك موسمي=لاأرتجت ارض الوسم رش السحاب
هلي من فيض الغلا وازمي زمي=واروى قلب امن المحل كنه تراب
ليتني ياليتنى طفل ارتمي=بين احضانك ولا احسب حساب
بكتفي من شم عطرك واحتمي=كل ما ابعد تصرخي وينه اعقاب
كل ماحن الغلا لي تزهمي=بين كيف وليه ولومك والعتاب
عشت من واقع بواقع مؤلمي=حبك بقلبي كما سكر وذاب
لاتقولي الحب قصه تحلمي=الهوي شيب بمن كانوا شباب
أن جهلتي من أنا ماتعلمي=عاشقك ياسلسبيله والشراب
لو يطول الصمت حاله تعدمي=مثل بيت من الزمن صابه خراب
كل عاذل بيننا بسبع ارجمي=مثل ماترجم شياطين بشهاب
عاشقك مغرم ومجنون ارحمي=خوفى ربك وارتجي حسن الثواب
العضو الأكثر نشاطاً هذا اليوم 
العرض الشجري
