طلال الرشيد وفهد عافت!!

[align=center]بسم الله الرحمن الرحيم


بصراحة استغربت ماقرأته في بعض المنتديات عن قصيدة رثاء الشاعر فهد عافت في الراحل طلال الرشيد وهي القصيدة التي سوف اوردها الأن والحقيقة ان هذه القصيدة لم تكن قصيدة رثاء ولكن الشاعر قالها في حياة طلال الرشيد وأصر على نشرها في مجلة فواصل التي كان رئيس تحريرها طلال الرشيد يمانع في نشر قصائد المدح الشخصية في شخصه تواضعا منه رحمه الله ولكن فهد عافت اصر على نشر القصيدة ونشرت نظرا للصداقة التي تربط بين الشاعرين وكان ذلك في نوفمبر 1996م قبل مقتل طلال الرشيد ب7 أعوام ويقول فيها:
[poem=font="Times New Roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
كفو هي مالها إلا واحد ٍ مثلك شديد الباس =الى ضاقت على الحر الكريم وخانت ظروفه
كفو من اول إحدود الامل لأخر حدود الياس =ولابه باس دام أنك هناك .. ولك بها شوفه
أبو نواف أبو كل النوايف رافعات الراس= ولد عبد العزيز اللي حياته كانت حتوفه
طلال وقبل احدّر حاجتي يرقى لها قرناس =كثر عرفه بجهلي شفت أنا جهله بمعروفه !!!!!!!
جلس مثل الرضا في قلب من صلى العشا بنعاس =وقف مثل العفو .. هو فيه مثله ساعة وقوفه !
عزيز في الحياة ليا صمد ماكن فيه احساس =ذليل ٍ فالصلاة اليا سجد ماقام من خوفه !
وش إكتب يالقلم / يالمحبره / يالليل / يالقرطاس =تعّزبت المعاني ... والمعاني كانت ضيوووفه ..!!
كفو ماهي (كفو) اللي صارت لحي الله من الناس =كفو .. للي كفو ... لو كملوها صارت ( كفوفه)[/poem]

وبعد وفاة الفقيد طلال الرشيد تأثر الشاعر فهد عافت كثيرا ومرت فترة طويلة ولم يرثي فهد عافت صديقه وتعالت اصوات استنكار لهذا الوضع واتهم الشاعر فهد عافت بعدم الوفاء ولكن....
كيف يمكن لشخص كتب تلك القصيدة السابقة في حياة طلال الرشيد كيف يستطيع ان يكتب فيه رثاء وبكل تلك السهوله؟؟؟؟

وبعد حوالي 6 أشهر نشرت في مجلة المختلف قصيدة الرثاء لفهد عافت في طلال الرشيد

وهذه هي القصيدة

[poem=font="Times New Roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
لو الحزن دمع.. الله يٌحرم يباس الموق= على العين.. لين يغـرق الجـِـفن مجـهـاشهُ

ولو الوزن شمع .. اللي من كبودنا محروق=ينير الظلام بنجر الاضلاع مهباشة

على سلم جدانه يموت وجبينه: فوق=لوان (( الجدي )) يرقى على (( سهيل )) ما ناشه

وطيب .. لوان المسك ما رخصه عرض السوق=غدا من قواريره .. ومن طيب غراشه

(( طلال الرشيد )) اللي تجيه المنايا .. بوق= على صدق وعد الموت، الاسباب غشاشة

نصاه الرصاص : ضيوف ! قلطهم : المعلوق=وعشى ضيوفه : مهجته !.. رابط جاشه

يا ربع يهبا ريح الفشق .. وشكثر معشوق=تقل .. عيب أحد من (( شمر )) يموت بفراشه

وهذا مهو بـ أيات احد .. يعجز الطاروق=يوفيه قدره لو هو السحر .. وادهاشه

أمير التواضع والحيا والادب .. والذوق ..=والاخلاق .. ملفي كل طيب ... ومطراشه

سري للنوايف راس (( شمر )) مهو مسبوق=تقل وحده (( الساري )) والآنام : (( غباشه ))

نعم .. ما يكبره (( اللقب )) ..يكبرالمنطوق=بالافعال وعزوم الرجاجيل ... بطاشه

حثينا على وجه السحاب : التراب .. حقوق !=لوالله عفا منه اكرم الخلق .. ما حاشه !

يارب اغفر لعبدك طلال الرشيد .. وسـُوق=له من البرد ما يبهج الروح .. رشراشه

بجاهك .. وعزك .. وبجلالك .. ياربي . عوق=عن النار : جسم على (( الاستبرق )) : قماشه

يارب .. وعسى صحبته (( ابو بكر )) و(( الفاروق ))=بقدرتك باللي ترزق الطير باعشاشه

يارب .. وعسى اللي عندك من السعد مفهوق=له بكل عمر ماته ابن آدم .. وعاشه [/poem]


صح لسان الشاعر فهد عافت ورحم الله الأمير الأنسان طلال الرشيد رحمة واسعة



نورالدنيا حائل 2008[/align]