[align=center][grade="00008B FF6347 008000 4B0082"]الله يمسيكم بالخير .. الوالد يسلم عليكم وبالأخص وبالتحدددددددددددددددددددددديد ( ال ساري ) ويقول لازم اشارك بموضوع وهالموضوع بهديه للساري قلت فيك الخير يا يبه .. طبعاً موضوع الوالد عبارة عن قصة من التراث حدثت في زمن مضا ... أترككم مع القصة
مرض الجدري اذا حل بالعرب يعديهم ويعطبهم .. ويجمعون المجدر ( أي اللي أصابهم الجدري ) بحجير ( تصغير حجر وهو بيت الشعر الصغير ) او ببيت صغير ويجارحهم واحد وترحل العرب وتخليهم عشان ماتنتقل العدوا للسليمين .. وبقي شايب من العرب في بيته بجوار بيت المجدر يداويهم ويجارحهم ويعالجهم واذا جاء الليل يشب ناره ويسوي قهوته في بيته ولايبعد عن البيت لانه مايشوف بالليل .
جاء ليلة من الليالي وكانت تلك اللية مطر وديم وظلماء وهو شاب النار ويحمس قهوته ويدق النجر ويصلح القهوة ويتقهوا يوم صرمت النار ( يعني جمرة النار ) يمار الرجال دخل عليه من غير سلام وكلام وجلس على نثيلت الوجار ( النثيلة رماد متراكم فوق بعضه ) الشايب ماشافه الا يوم جلس ، قاله وش انت ياللي جلست من غير كلام وسلام .. رد عليه ( الجني ) وقال :[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سمعت نجرك دن وانتا تغني وجيت يم حس الغنى والدنيني
الليل ظلماء والذيابه حدنــي وحس نجرك يقعد النــــايميني[/poem]
وقال الشايب رداً عليه :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وابوي مـامـتحـنك اللي امتحني ولاعـنــــدك مــن يــجـر الـــونـيـنـي
ولا يجتمع بالمجلس انسن وجني لكن قم وتقلع عن مجلسي ياللعيني [/poem]وقام الجني قال اعرا وابرا منك ( يعني لا اجيك ولاتجيني )
وهرب
انتهت القصة وأتمنى أن تنال رضاكم
والله لوهو انا بمكان الشايب تسان أموت على دلتي من الخرررررررررررررعة[/grade][/align]