تبي حلول لحالتك أشلون أدور لك حلول=صارت حلولك ياوطن بيدين ناي وغانية
نطرد وراها كلنا من دون لانحرك عقول=نتبع مساراته غصب مثل الرشا والسانية
تغيرت كل المعالم لاجبال ولاسهول=مدامنا فانين عادي لو تبعنا فانية
متى نفيق وننهي السكره ونرجع للأصول=وألا الكرامة حرمت ترجع لنا لو ثانية
حتى المنابر تشتكي من ضيمها قل الفحول=يومه تزمجر ندعي بأن السعادة دانية
اليوم لامنبر ولاأحد بنا يقدر يقول=بس نتمنى تكون أيادي من جلدنا حانية
تعبت أناظر للماسي يارفيقي في ذهول=إليا نسيت الصدمة الأول تجيني ثانية
ماني متشاءم لوزمان الذل والعتمة يطول=لكنّ لي نفس من الأوضاع ماهي هانية
في هالزمن ياصاحبي أن كنت تبغى لك حلول=دوّر لحن صاخب ولا تنسى تجيب الغانية
بقلمي / فلاح العايد