((صبر وجلاده))
[poem=font="simplified arabic,6,white,bold,normal" bkcolor="gray" bkimage="" border="inset,4,burlywood" type=1 line=0 align=center use=ex num="0,black""]
ياخاطري مدري وش اللي لفاني=شيٍ يدور بداخلي ودي اقراه
جتني معاني واشغلتني معاني=فكت رموز السالفه قبل مبداه
ياناس دخنا من ظروف الزماني=ضاعت مساعينا على غير ملفاه
مدري نسينا وضعنا في ثواني=والا الخواطر بيننا شان طرياه
ياما وياما هيجنن المحاني=لحلامنا اللي بالثرى كم رسمناه
ويلاه ياوقتي وش اللي دهاني=مبدا ملامح صورتك سل شلفاه
انا اشهد انك يازماني اناني=ماخذت منك الا جروحي وسقماه
حصن الطموح اليوم عيت تباني=كبوة جواد الحض بانت خطاياه
صبر وجلاده وآخر العمر فاني=كم انتجلد ياطريق مشيناه
نشعل اماني لو نسينا اماني=ناخذ ونعطي والعطايا سبب جاه
لاتصدقون القول في كل شاني=لو ماعرفتو وش بقايا خفاياه
السالفه مدري وش اللي حداني=حاجه تدور بداخلي قلت ابرثاه[/poem]