{ ليل .. وسوالف .. وتعاليل .. سيرة شاعر .. }

[align=center][table1="width:95%;background-color:black;"][cell="filter:;"][align=center]


ونـــــبــــقـــى مــــع قـــــصأأأأأأئــــــدهـــ

والسهر والنوح وحروف القصيد



السهر والنوح وحروف القصيد
هم زهابي لنتشى فيك الخيال

إن ضحكت الدمع بعيوني يزيد
وإن سليت الهم لوحلي تعال

وإن غفيت أغفى على جرح جديد
وإن وعيت أشوف قربك لي محال

تاهت الخطوه على الدرب البعيد
والمشاعر همها ذاك السؤال

هو صحيح اللي مضى يرجع يعيد
وترجع أيام المحبه والوصال

ولو صحيح الحب به عبد وسيد
أنت سيدي وانت عمي والخوال

صاحبي ياقرب من عروق الوريد
خذ حياتي كلها بيدك حلال

والسهر والنوح وحروف القصيد
خلهم للي عشق حلم وخيال



الشاعر | فيصل العدواني
[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]

على كف القدر


على كف القدر والحب ظامي والرجا حيران
على كف الزمن ضاعت سنيني مع لياليها

تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها

واحس ان الجفا يمشي بدمي داخل الشريان
يعذبني..يسهرني..ليالي مر حاليها

عجزت ولابقابي حيل وانفاس الوصل هجران
تعبت اسأل ليال الصمت جروحي كيف أداويها؟

تجاوبني ليال الصمت وتحرق قلبي الهيمان
تقول:شموع امالك حلفت اني لطفيها

مدام انك على دربي ابعطيك العذاب الوان
وازيد جراحك بصدرك ولا لك من يشافيها

ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها

نخيتك ياامل ضايع نخيتك تطوي الحرمان
نخيتك ترسم الفرحه على حزني وترضيها

والا يالله يارازق عبادك يارفيع الشان
تفرح قلبي الملهوف قبل ماالروح تنهيها


الشاعر | فيصل العدواني


[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]


ماهو بمسموح


أيا حمام الروح يا ساكن الروح
لاوهنيك كل ماضقت ترقا

وأنا عليك أشكي علي غير مصلوح
والعين ماجفت لها أيام غرقا

تنوح لي وأنوح..وتنوح.. وأنوح!
لكن بين النوح.. والنوح فرقا

نوحك طرب ماصيدك هموم وجروح
وأنوح لك مونس من الجاش حرقا

يهيم بي حزني وأنا هالك الروح
والهم يطرقني على كل طرقا

ماقلت مسموح ولا هو بمسموح
لاشك خاواني ولا منه فرقا


الشاعر | فيصل العدواني

[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]


وماكنت ابيها تصير


ماكنت ابيها تصير واليوم صارت
هاللحظه هذي ماتمنيتها تصير

اوادعك واشوف دمعتك حارت
واهمس لك بحسره اشوفك على خير

لاتلومني بالله دنياي جارت
وظروفي اقسى من حروف المعاذير

حتى ظنوني في بعض الاصحاب بارت
واللي حسبته ذخر في الواقع { صغير}

احلامنا والطيش عنا توارت
طعم الحقيقه مر وانفاسها غير

وماللهوى بعزوم للود ثارت
شرهه مدام الوقت ماله تدابير

وماكنت ابيها تصير واليوم صارت
اودعك { واشوف وجهك على خير }


فيصل العدواني

[/align][/cell][/table1][/align]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]


بسم الله الرحمن الرحيم




اتيتكم بشاعر راائع وقدير هو:

احمد الناصر الشايع







بطاقة تعريف بالشاعر





الشاعر : احمد بن محمد بن ناصر الشايع ال موسى ال زمام المساعره الدوسري



العمر : 90 عاما ,ولقد بدأ الناصر رحلته مع الشعر في وقت مبكر منذ الصغر وتميز عن أقرانه الشعراء بدماثة الخلق ورحابة الصدر كما تميز أيضاً بصوته الشجي وموالاته الجميلة وأشعاره الهادفة وألحانه العذبة، ونظراً لكونه يمتلك موهبة شعر المحاورة فقد جرت له الكثير من المحاورات الشعرية الرائعة مع كبار الشعراء الأفذاذ الذين عاصرهم الناصر وقد لقب بأمير شعراء الرد لكونه يتمتع بسرعة البديهة والذكاء الحاد، والأخلاق الطيبة، والاتزان داخل الميادين الشعرية والمحافل.. فقد أحبه الناس وارتبط بعلاقات طيبة مع مختلف شرائح المجتمع خاصة الشعراء، وبالرغم من أنه خطف الأضواء وكسب شهرة واسعة وقاعدة عريضة من جماهير الشعر الشعبية ومحبيه على مستوى الجزيرة وبعض البلدان العربية، إلا أنه يُعد شاعراً متواضعاً إلى أبعد الحدود وأكثر مما يتصوره البعض، وقد زاده هذا التواضع شهرة كبيرة وواسعة بين الجمهور والنقاد وأصبح الكل يطرب به
عاش طوال عمره في محافظة الزلفي بدا كتابة الشعر منذ الصغر في المحافظه
و اول قصيده قاله عن محافظه ومسقط راسه الزلفي وهو دائما مايذكرها في ابياته
وهو يعد من اقوى الشعراء على ساحه الشعر الشعبي والمحاورة ..كما شارك ابو محمد في العديد من الأمسيات في بيروت و الدوحه والمنامه و دول الخليج العربي وبعض الدول العربيه ومناطق المملكه .



ورحله مع اجمل قصائده:

يتبع

^

[/ALIGN][/CELL][/TABLE1][/ALIGN]

[align=center][table1="width:95%;background-color:black;"][cell="filter:;"][align=center]


انا البارحه قلبي

أنا البارحه قلبي تديره تفاكيره
أهوجس ودمع العين وحده وثنتيني

ألا واعذابي كان طالت بي السيرة
أنا ويش اسوي كان طاول سهر عيني؟

نطحني غزالٍ جافلٍ شايفٍ ذيره
طفح شوف عينه من ورى الناس الاقصيني

ألا ياعيون اللي كفخ وإنقطع سيره
تلقى الخلا واقفى يرف الجناحيني

عديم الوصايف مع هل البرّ والديره
أنا قبل اشوفه شوف والله معافيني

ألا واهنيّ اللي تلمّه به الجيره
فراقه يموتني ولاماه تحييني

من اخطا هواه اخطا من الخير والخيره
ملكني تقول إمن إبن مروان شاريني

وانا حالفٍ بالله ماتبع هوى غيره
أبتّبع هواه وعن هوى الناس يغنيني


الشاعر > احمد الناصر الشايع <


[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]



نصحة قلبي عن هواه



نصحة قلبي عن هواه وعذلته
لاشك عيا لايطيع النصيحة

البارق اللي ينعش الروح خلته
انا المشقى والعرب مستريحة

عساه يسقي وادي قد نزلته
يوم من الأيام يازين ريحة

واد الغرام اللي يذكر دخلتته
فيه العذاب وبه رسوم مليحة

ماقال ابن لعبون في مي قلته
قلت البيوت الصايبات الصحيحة

بذلت مجهودي وجهدي بذلته
والله ماقول إلا العلوم الصريحة

زول قتلني بالهوى ماقتلته
لو مت باسبابه عسى الله يبيحة

ياكبر هم عقب فرقاه شلته
مار الليالي بالمواصل شحيحة

لو قلتو ابشر بالعوض ماقبلته
جوزوا وكثرالعذل يرث فضيحة

ياللي عذلتوني وش اللي عملته
يالايم العاشق تطيح بمطيحة

الباب عن كل العواذل قفلته
ياناوي بالعذل طبه بطيحة

لو لي حلال مع حلالك عزلته
كم ضحكة جا عقبها كم صيحة


احمد الناصر الشايع

[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]


طريق مسدود

يزول عنك الباس/ ياللي شكيته/ ليت السلامه تنشرى
عن ونتك نفداك /بالحال والمال/ جميع ماتملك يدي

بين الرجا والياس /وقتي قضيته /ماباع حظي واشترى
ماقدر على فرقاك/ والحب غربال/ ابديت جهدي واجهدي

الهم والهوجاس/ كله خذيته /مافاد في شي جرى
العام انا وياك/ ياسمح الاقبال /بالعز نمشي ونعدي

اللي لقوه الناس/ قبلي لقيته/ جرح الموده مابرى
ترى الشفا باشفاك /مار الدهر مال/ لاشك انا عنك محدي

ودي بهرجه راس/ مع من هويته/ لكن سرى ليلي سرى
واحترت وين القاك/ من كثر الازوال/ وسهيل بيًن والجدي

جدر بليا ساس /مهما بنيته /مابه ظلال ولا ذرى
ياقلب وش عناك/ والحب قتال /يقطعك يالحظ الردي

عن سكته الافلاس/ قلبي نهيته/ يدري وكنه مادرى
واليوم جاك مناك/ بالوان واشكال /تخطي وكنك مقتدي

اخشى من الوسواس /قلبي عصيته /طلعت به طلعه كرى
سبحان من خلاك/ للروح سلال /عندك عذابي واسعدي

حب بغير قياس/ ليتي وليته/ بالخير والشر اخشرى
صبر على بلواك/ للعسر حلال /من يجهل الدرب يغدي


الشاعر | احمد الناصر الشايع

[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]

يامل عين الى جا الليل عيت لاتنام
تكثر عليها الروابع يامعين الصابرين

من عقب ما استبشرت بالنور وانجال الظلام
شافت من الغيظ مايملي نظرها مرتين

لا وهني المعافى مايلوم ولا يلام
مستانس لو يزين الوقت ولا مايزين

ماذاق مر الفراق وفارقه حلو الغرام
والولف ملاك ما يحتاج عراف وظمين

الصاحب اللي هدب عينه مثل ريش النعام
ما يلتفت مع طريقه من يسار ومن يمين

اكبر مصيبه ليا سلمت ما رد السلام
مدري وش اللي خطر في بال وضاح الجبين

إن كان لك يا اشقر المجدول في هجري مرام
صبرت صبر الجمل بارضاك لو ضلعي متين

الموجب انه ملكني حب مردوع الوشام
لا خير في عشرتن ما هيب في حرزن مكين

هو حق ياللي تعرفون الحلال امن الحرام
يسهر عيوني ويدعي سري الخافي يبين

العشرة الصافية تقود أهلها بالخزام
ما تختلف عشرة الغالي على طول السنين

وان كان عقب البطا فك اللحام من اللحام
ما عاش أبو نية وحدة مع أو نيتين

ياصاحبي ما تساون الغوارب والسنام
من خف ميزان قدره لو قلبه ذهين

لو شفت منك الجفا مارضى على عيني
تضام قطعت منك الرجا كنك مع الميتين


احمد الناصر

[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]



يا ناس راعي المحبه لا تعذلونه


يا ناس راعي المحبة لا تعذلونة
مهوب عن صاحبة دالة ولا سالي

لو يسهر الليل كلة لا تلومونة
الحب بلوى مانيب اول ولا تالي

لى صاحب ما قطعت الياس من دونة
لو غاب عني خيالة دوم يبرالي

الصاحب اللي سحر هاروت بعيونة
ودي بشوقة ولكن ما تهيا لي

يا هيف الخصر عيني فيك مفتونة
والبعد ياصاحبي ما يرخص الغالي

الروح يا صاحبي بحماك مرهونة
عزي لحالي عقب فرقى هوى بالي

ياكود وصلك على مثلي ويا هونه
ان كان حالك طواها اللي طوى حالي

عن غيرك القلب غسلتة بصابونة
والعين ما تلتفت فى كل الازوال

ما يجرح القلب كود فراق مضنونة
ابطيت ما ارسلت لي يازين مرسال

أجر صوت جميع الناس يوحونة
غديت مثل المصيح بالخلا الخالي


احمد الناصر
[/align][/cell][/table1][/align]

[align=center][table1="width:95%;background-color:gray;"][cell="filter:;"][align=center]

بســـــــــــــــــــــــــم الله الرحمن الرحيم


عوده مع


الشـــــــــــــــــــــــــــــا عر


_- نايف صقر _-





تعريف بالشاعر

نايف صقر الدلبحي العتيبي -

من شعراء الشعر الشعبي بالمملكه بل الخليج العربي

وهوغني عن التعريف


ونهجه يتسم بالعذوبة المفرطة والإحساس العارم .....


شاعر مخضرم


هو شاعر الإحساس .. ( نايف صقر )

اترككم للأستمتاع

بقصائده

[/align][/cell][/table1][/align]

[align=center][table1="width:95%;background-color:gray;"][cell="filter:;"][align=center]



خيام الندم

سجد قلبي على رمل الضلوع وهزه التنهيد

وأنا في جوفي خيام الندم والخوف منصوبه


¨¨°¨¨



يارب افهق هلاكي والمنايا والدروب بعيد

مدام المــودماني للتراب تقـوده دروبه


¨¨°¨¨

ياغياث الظوامي والثمام وجـــرهدي البيد

أعذني من جهنم والحشر والــموت وكروبه

¨¨°¨¨

أنا لانيب لا مــشرك ولافاســـق ولاعــربيد

أنا اللي لا عـصا وأخطى تجهم وأقلقه ثوبه

¨¨°¨¨

وأنا اللي يرتجف مثل ارتجاف الخايف الرعديد

ليا شاف القـبور الضــيقات وحــس بذنوبه

¨¨°¨¨

أنا عبدك ولد عبدك وجداني هل التوحـيد

خـطاياي أخجلتني يالله الغفران والــتوبه

¨¨°¨¨

أنا الانسان حمال النقايض والكمد والكيد

غريق الطـيف واللذات من راســه لعرقوبه

¨¨°¨¨

أنا عبدك ياربي وانت تفعل ماتشا وتريد

سألتك يالله العفو العظيم وهــين دروبــه


نايف صقر

[/align][/cell][/table1][/align]

[align=center][table1="width:95%;background-color:gray;"][cell="filter:;"][align=center]



لا تعذر


حبيبي لا تعذر ما على صدق الحبيب جدال
رضت عنك العيون وهاك قلب فز بأعشابه

على وعدك تجيني يا حبيبي صاخب الميصال
عليك من اليدين وناسها هرجه وسبابه

هلابك وين ما يشرق نظرك الناعم القتال
هلابك وانثنى غصن الزمان وطار باسرابه

عذاريبك قليلة يا حبيبي كايد العذال
ولكنك بقلب من سكنته حارسك بابه

عيونٍ شافتك عن قرب قرب يهمها تختال
على بعض العيون وكل طير يحب مرقابه

انا اللي سلمك قلبه دلو عشق وغلاك الجال
وتليته بحبل من جفاك وضاق بأسبابه

فداك اللي تبي هاك الجمل والحمل والجمال
جلب تلك السنين وكل سوق وطيب مجلابه

يا الطف من طيوفك في عيونٍ للسهر مدهال
لجني خايفات وكل طيف احلى من ثيابه

احبك كثر ما ينسى زمانه مستريح البال
واحبك كثر ما قلب المسافر حنّ لترابه

شبيه الشمس لو مالك مثل شمس السنين ظلال
ترى كلن يموت الا قصيدٍ يبكي احبابه

وانا ليلي قصايد او قصيدي ليل لا تحتال
هذا بعض الغلا باقصى خفوقي جاك باعشابه


نايف صقر
[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]


صاحبي عذبتني


صاحبي عذبتني صاحبي وريتني
في لقا ساعه بعض حلم وسنين قادمه

ياحبيبي كان ماسميتني سميتني
ليت روحي منك ياعذب الموادع سالمه

جيتني لولا الليالي جابتك ماجيتني
والليالي جابتك مثل القدر كل الظروف تسالمه

آه ماخليتني ثم رحت ماخليتني
في دروب طوال مهزمه معاك وهازمه

كن في عينك من العشره اليا باريتني
شي اقل من الحيا بعيون ضيف وعازمه

ليتني لاجابو اسمك ياحبيبي ليتني
تشرب الذكري بعض عيني وعيني حازمه

انت لودليتني فرقاك مادليتني
دام حبك في جبين الليالي واسمه

لك بكي جرحي قصيدي وانا ما أبكيتني
آه ياحر الوجع في النفوس الجازمه

نايف صقر
[/align][/cell][/table1][/align]

[align=center][table1="width:95%;background-color:black;"][cell="filter:;"][align=center]


السلام عليكم ورحمة الله وبركاته









مع الشاعر احمد الصانع

شاعر كويتي احد ابرز الشعراء الشباب

اعاد نحت ملامح الجمال في قصائد الساحة
الشعبية

كتب العديد من النصوص الشعرية المزخرفة

وترك لها السيطرة في احتلال عقول متابعي
الشعر ,

فلا تكاد تخلو ذاكرة شعرية حفظها لبيت من

ابيات شعره ,

فاح ـساسه الصادق , وشتاته المنثور على

الورق لم يكتب

لهما الا ان يتعديا افاق الروعة , ليحصدا


لصاحبها لقب


’’ صانع الشعر’’


اترككم مع باقه من قصائده
[/align][/cell][/table1][/align]